యువతులు జీన్స్ ధరిస్తే దాడి చేస్తాం: వెలిసిన పోస్టర్లు

రాంచీ: యువతులు జీన్స్‌లో కనిపించకూడదని, చున్నీ తప్పనిసరిగా ఉండాలని, లేకుంటే యాసిడ్ దాడులకు గురి కాక తప్పదని హెచ్చరిస్తూ జార్ఖండ్ రాజధాని రాంచీలో పోస్టర్లు వెలిశాయి. వీటిని తెలిపే పోస్టర్లను జార్ఖండ్ ముక్తి సంఘ్ అనే సంస్థ నగరంలోని పలు ప్రాంతాల్లో ఏర్పాటు చేసింది.

"ఆగస్టు 20 నుంచి యువతులు జీన్స్ ధరించడాన్ని నిషేధించాం. ఏ యువతైనా జీన్స్‌లో వెళుతున్నట్లు కనిపిస్తే యాసిడ్‌తో దాడి చేస్తాం'' అని వాటిల్లో రాసి ఉంది. పరిశ్రమల కోసం ప్రజలను నిర్వాసితులను చేసినా సహించేది లేదని, వాటిపై కూడా దాడి చేస్తామని ఆ సంస్థ హెచ్చరించింది. కాగా, ఈ సంస్థ పేరును వినడం ఇదే మొదటి సారని, పోస్టర్లను ఏర్పాటు చేసినవారిని పట్టుకుంటామని పోలీసులు తెలిపారు.

దుప్పట్టా తప్పనిసరిగా వేసుకోవాలని ఆ సంఘ్ హెచ్చరించింది. జీన్స్ వేసుకుంటే తప్పనిసరిగా దుపట్టా వేసుకోవాలనే నియమాన్ని ఆగస్టు 20వ తేదీ నుంచి పాటించాలని హెచ్చరించింది. బయటివారు స్థలాలు కొనడానికి ప్రయత్నించినా, ఇక్కడ ఉద్యోగాలు చేయాలని చూసినా దాడులు చేస్తామని ఆ సంస్థ హెచ్చరించింది. పారిశ్రామికీకరణ పేర ప్రజలను భూముల నుంచి ఖాళీ చేయించినా సహించబోమని హెచ్చరించింది.

ఈ పోస్ట్రలను వేసినవారిని గుర్తించడానికి ప్రయత్నిస్తున్నామని వారిని త్వరలోనే పట్టుకుంటామని సీనియర్ పోలీసు సూపరింటిండెంట్ సాకేత్ కుమార్ సింగ్ చెప్పారు. చేతిరాతతో రాసి ఆ పోస్టర్లను రాంచీలో వేశారు. ఇది అల్లరి మూకల పని అయి ఉంటుందని సింగ్ అన్నారు.

English summary

osters put up by a little-known outfit in the Jharkhand capital have threatened attacks on girls and women if they come out of their houses wearing jeans or without a 'dupatta'.Senior Superintendent of Police Saket Kumar Singh said it could be a work of some miscreants and efforts are on to nab the culprits.