• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

పోలవరంపై కిరణ్‌కు షాక్: ఒడిషాలో భారీ ర్యాలీ

By Pratap
|

Kiran Kumar Reddy
హైదరాబాద్: గోదావరి నదిపై తలపెట్టిన పోలవరం ప్రాజెక్టుపై ఆంధ్రప్రదేశ్ ముఖ్యమంత్రి కిరణ్ కుమార్ రెడ్డికి షాక్ తగిలింది. పోలవరం ప్రాజెక్టు నిర్మాణానికి ఒడిషా ప్రభుత్వాన్ని ఒప్పిస్తానని ముఖ్యమంత్రి ఇటీవల ఇందిరమ్మ బాటలో చెప్పారు. కానీ, దానికి ఒడిషా ప్రభుత్వం ఒప్పుకునే స్థితిలో ఏ మాత్రం లేదనేది సోమవారంనాటి పరిణామం తెలియజేస్తోంది. ప్రాజెక్టుకు వ్యతిరేకంగా పాలక బిజూ జనతాదళ్ భారీ ర్యాలీ నిర్వహించింది. పోలవరం ప్రాజెక్టుకు వ్యతిరేకంగా ప్రజా ఉద్యమం చేపట్టేందుకు ఒడిషా ప్రభుత్వం శ్రీకారం చుడుతోంది.

ఈ ర్యాలీని నిర్వహించడంలో ఒడిషా పాఠశాల విద్యామంత్రి రబీ నారాయణ నందా ప్రముఖ పాత్ర పోషించారు. పోలవరం ప్రాజెక్టు టెండర్లను ఖరారు చేశామని, త్వరలోనే నిర్మాణ పనులు చేపడతామని ఆంధ్రప్రదేశ్ ముఖ్యమంత్రి కిరణ్ కుమార్ రెడ్డి ప్రకటించడం పట్ల ఆయన తీవ్ర ఆక్షేపణ వ్యక్తం చేశారు. ఆంధ్ర - ఒడిషా సరిహద్దులోని మోటు ప్రాంతంలోని సాగు భూములు, గిరిజన తండాలు పెద్ద యెత్తున ప్రాజెక్టు వల్ల మునకకు గురవుతాయని ఆయన అన్నారు.

పోలవరం ప్రాజెక్టు అంశం సుప్రీంకోర్టులో ఉందని, ఆంధ్రప్రదేశ్ ప్రభుత్వం కోర్టు ధిక్కారానికి పాల్పడుతోందని నందా విమర్శించారు. ఆంధ్రప్రదేశ్ ప్రభుత్వానికి కేంద్రంలోని యుపిఎ ప్రభుత్వం సహకరిస్తోందని ఆయన విమర్శించారు. పోలవరం ప్రాజెక్టును ఆపకపోతే తమ ఆందోళనను ఉధృతం చేస్తామని ఆయన చెప్పారు. ఎట్టి పరిస్థితిలోనూ పోలవరం ప్రాజెక్టు నిర్మాణాన్ని అడ్డుకుంటామని ఆయన చెప్పారు.

పోలవరం ప్రాజెక్టు నుంచి ఆంధ్రప్రదేశ్‌లోని తూర్పు గోదావరి, పశ్చిమ గోదావరి, విశాఖపట్నం, కృష్ణా జిల్లాలకు సాగు నీరు అందడమే కాకుండా పట్టణాలకు, గ్రామాలకు మంచినీరు కూడా అందిస్తుంది. జల విద్యుదుత్పాదక ప్రాజెక్టు కూడా ప్రతిపాదనల్లో ఉంది. వందలాది గిరిజన గ్రామాలు మునకకు గురవుతాయనే ఉద్దేశంతో ఒడిషా, చత్తీస్‌ఘడ్ రాష్ట్రాలు పోలవరం ప్రాజెక్టును వ్యతిరేకిస్తున్నాయి.

English summary
The construction of the controversial Polavaram irrigation project on the river Godavari in Andhra Pradesh has run into rough weather with the Odisha government launching a mass movement to stall the project at any cost.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X