• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సోనియా ఇస్తామన్నారు, బాబును కలువలేదు: గుత్తా

By Pratap
|

Gutta Sukhender Reddy
హైదరాబాద్: తెలంగాణ రాష్ట్ర ఇస్తామని తమ పార్టీ అధ్యక్షురాలు సోనియా గాంధీ తమకు హామీ ఇచ్చారని కాంగ్రెసు తెలంగాణ ప్రాంత పార్లమెంటు సభ్యుడు గుత్తా సుఖేందర్ రెడ్డి చెప్పారు. తాము తెలుగుదేశం పార్టీ అధ్యక్షుడు నారా చంద్రబాబు నాయుడిని కలుసుకోలేదని ఆయన స్పష్టం చేశారు. తెలంగాణ రాష్ట్రం సాధించాలంటే పార్లమెంటు సమావేశాలను స్తంభింపజేయాల్సిన అవసరం లేదని, సరైన సమయంలో తెలంగాణ వస్తుందని సోనియా గాంధీ చెప్పారు కాబట్టే తాము పార్లమెంటులో మౌనంగా ఉన్నామని ఆయన శుక్రవారం మీడియా ప్రతినిధులతో అన్నారు.

సోనియా మాటలు తెలంగాణకు అనుకూలంగా ఉన్నాయి కాబట్టే తాము పార్లమెంటును అడ్డుకోలేదని ఆయన చెప్పారు. తాము మౌనంగా ఉన్నప్పటికీ సీమాంధ్ర నేతలు సమైక్య ప్రకటన చేయాలని కేంద్ర హోం మంత్రి సుశీల్ కుమార్ షిండేను కోరడం సమంజసం కాదని ఆయన అన్నారు. తాము చంద్రబాబుతో చర్చలు జరపలేదని ఆయన స్పష్టం చేశారు.

తెలుగుదేశం నేతల బృందం పార్లమెంటులో ఎదురైందని, చంద్రబాబు ప్రతిపక్ష నేత అన్న గౌరవంతో ఎదురెళ్ళి మాట్లాడాముని ఆయన అన్నారు. దాంతో పార్లమెంటు సెంట్రల్ హాల్లో చంద్రబాబును కలుసుకుని చర్చించినట్లుగా వార్తలొచ్చాయని, అవి అవాస్తవాలని గుత్తా సుఖేందర్ రెడ్డి వెల్లడించారు. పత్రికలు అనుమానాలు కలిగేలా వ్యాఖ్యానాలు చేయడం సరికాదని అన్నారు. తెలంగాణా ప్రాంత ఎంపీలు మౌనంగా లేరని, తెలంగాణా కోసం తీవ్రంగా శ్రమిస్తున్నారని వెల్లడించారు.

పార్లమెంటు సమావేశాల్లో తెలంగాణా ఎంపీలు మౌనంగా ఉంటున్నారని పలువురు పేర్కొంటున్నారని, కానీ సమావేశాల మొదటి రోజునే తాము ధర్నా చేశామని గుర్తు చేశారు. తెలంగాణా కోసం పార్లమెంటును అడ్డుకోవద్దంటూ సోనియాగాంధీ విఙ్ఞప్తి చేశారని తెలిపారు. వైయస్ పాదయాత్రపై కేవీపీ రాంచంద్రరావు ఆధ్వర్యంలో జరిగిన డైరీ ఆవిష్కరణ కార్యక్రమానికి తనకు కూడా ఆహ్వానం అందిందని, అయితే కొన్ని కారణాల వల్ల వెళ్ళలేకపోయానని ఒక ప్రశ్నకు సమాధానంగా చెప్పారు.

English summary
Congress Telangana region MP Gutta Sukhender Reddy said that party president Sonia Gandhi has promised on Telangana. He clarified Telangana Congress MPs had not met Telugudesam president N Chandrababu Naidu on Telangana issue.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X