మహిళ భర్తను హత్య చేసిన ఆమె మాజీ ప్రియుడు

ముంబై: ఓ మహిళ భర్తను ఆమె మాజీ ప్రియుడు హత్య చేసిన సంఘటన వెలుగులోకి వచ్చింది. శ్యాం బహదూర్ యాదవ్ (31) అనే ట్యూషన్ టీచర్ కాందివ్లీకి చెందిన కార్పెంటర్ ఘనశ్యాం విశ్వకర్మను హత్య చేశాడు. ఘనశ్యాం భార్యకు రెండేళ్ల క్రితం శ్యాం బహదూర్‌తో వైవాహికేతర సంబంధం ఉంది. యాదవ్‌ను పోలీసులు అరెస్టు చేశారు.

ఉత్తరప్రదేశ్‌కు చెందిన యాదవ్ 2006లో ముంబై వచ్చి ఓ బ్యాంకులో సేల్స్ ఎగ్జిక్యూటివ్‌గా చేరాడని, 2007 నుంచి పిల్లలకు ట్యూషన్లు చెప్పడం ప్రారంభించాడని, హతుడూ అతని కుటుంబ సభ్యులు నివసించే హనుమాన్ నగర్‌లో ఉంటూ వస్తున్నాడని పోలీసులు చెప్పారు.

విశ్వకర్మ ఇంటిలో యాదవ్ 2008లో హతుడి పిల్లలకు ట్యూషన్స్ చెప్పడం ప్రారంభించాడు. ఈ స్థితిలో యాదవ్‌కు, హతుడి భార్య రేఖకు మధ్య సాన్నిహిత్యం పెరిగింది. ఈ విషయం 2010లో విశ్వకర్మకు తెలిసింది. యాదవ్‌ను పక్కన పెట్టేశాడు. రేఖ కూడా అతనితో సంబంధాలు తెంచుకుంది.

యాదవ్, స్క్రాప్ డీలర్ అయిన అతని మిత్రుడు దామన్‌లోని ప్రమోద్ వర్మ 2011 నవంబర్‌లో విశ్వకర్మను చంపడానికి పథకం వేసుకున్నరు. వర్మ కస్టమర్‌గా నటించి సెప్టెంబర్ 16వ తేదీన అతన్ని తన ఇంటికి పిలిచాడు. విశ్వకర్మకు అనుమానం వచ్చి వరమ్మ మొబైల్ నెంబర్ నోట్ చేసుకున్నాడు.

విశ్వకర్మ తన గదికి రాగానే వర్మ తన మిత్రుడితో కలిసి విశ్వకర్మను హత్య చేశారు. మృతదేహాన్ని సమీపంలోని నల్లాలో పడేశారు. విశ్వకర్మ కుటుంబ సభ్యులు పోలీసులకు కనిపించడం లేదంటూ పోలీసులకు ఫిర్యాదు చేశారు. తర్వాతి రోజు విశ్వకర్మ మృతదేహం నల్లాలో బయటపడింది. విశ్వకర్మ మొబైల్‌లోని నెంబర్ ఆధారంగా వర్మను పోలీసులు పట్టుకున్నారు.

English summary

A tuition teacher, Shyam Bahadur Yadav (31), was arrested for killing a Kandivli-based carpenter, Ghanshyam Vishwakarma, husband of a woman with whom he had an affair two years ago.