• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

మద్దతు అడిగినవారు లేరు: తెలంగాణ మార్చ్‌పై ఎర్రబెల్లి

By Pratap
|

Errabelli Dayakar Rao
హైదరాబాద్: తెలంగాణ కవాతుకు తమ మద్దతు ఎవరూ కోరలేదని, అయినా తెలంగాణ ప్రజల కోసం తాము కవాతుకు సంఘీభావం తెలుపుతున్నామని తెలుగుదేశం తెలంగాణ ఫోరం కన్వీనర్ ఎర్రబెల్లి దయాకర్ రావు అన్నారు. రేపు ఆదివారం కొండా లక్ష్మణ్ బాపూజీ ఘాట్ వద్ద నివాళులు అర్పించి, ఆ తర్వాత అమరవీరుల స్తూపం వద్ద బైఠాయిస్తామని ఆయన శనివారం మీడియా ప్రతినిధులతో చెప్పారు.

కాంగ్రెసు తెలంగాణ ప్రాంత నాయకులు రేపటి తెలంగాణ కవాతులో పాల్గొనాల్సిన అవసరం లేదని, సోనియా గాంధీ ఇంటి వద్ద కూర్చోవాలని ఆయన అన్నారు. తెలంగాణ రాష్ట్ర సమితి అధ్యక్షుడు కె. చంద్రశేఖర రావు కవాతులో పాల్గొంటే ప్రజలే బుద్ధి చెప్తారని ఆయన హెచ్చరించారు.

తెలంగాణ కోసం కాంగ్రెసు నేతలు వారి పార్టీ అధ్యక్షురాలు సోనియా గాంధీ ఇంటి వద్ద ధర్నా చేయాలని తెలుగుదేశం తెలంగాణ ప్రాంత శానససభ్యుడు మోత్కుపల్లి నర్సింహులు సూచించారు. తెలంగాణపై అఖిల పక్షం పెట్టాలని తాము డిమాండ్ చేస్తే కొందరు సరిగా అర్థం చేసుకోవడం లేదని ఆయన అన్నారు.

తమ పార్టీ అధ్యక్షుడు నారా చంద్రబాబు నాయుడు ప్రధానికి రాసిన లేఖలోని అంశాలను అర్థం చేసుకోలేనివారే తమపై విమర్శలు చేస్తున్నారని ఆయన అన్నారు. పార్టీ కార్యాలయానికి స్థలం ఇచ్చిన కొండా లక్ష్మణ్ బాపూజీ అంత్యక్రియలకు రాకుండా కెసిఆర్ ఎక్కుడున్నారని ఆయన అడిగారు. కుటుంబ సభ్యులతో కలిసి కెసిఆర్ ఢిల్లీకి వెళ్లాల్సిన అవసరం ఏమిటని మోత్కుపల్లి అడిగారు.

English summary
Telugudesam Telangana forum convener Errabelli Dayakar Rao said that no body asked their support to Telangana march. He said that his party men will sit at Telangana martyres statue.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X