• search
  • Live TV
తిరుపతి వార్తల కోసం
నోటిఫికేషన్స్ పై క్లిక్ చేయండి  

శ్రీవారికి రూ.1.25 కోట్ల విలువ చేసే విగ్రహాలు

By Pratap
|

Tirumala
తిరుపతి: తిరుమల శ్రీవారికి అమూల్యమైన కానుకలు రావడం విచిత్రమేమీ కాదు. అజ్ఞాత భక్తులు శ్రీవెంకటేశ్వరస్వామి కరుణాకటాక్షాల కోసం కానుకలు సమర్పించుకోవడం పరిపాటి. అయితే గురువారం ఓ అజ్ఞాత భక్తుడు అత్యంత విలువైన కానుకలను శ్రీవారికి సమర్పించుకున్నాడు. 2 కేజీల 753 గ్రాముల బరువుకలిగిన వజ్రాలు పొదిగి బంగారంతో తయారు చేసిన మలయప్పస్వామి, శ్రీదేవి, భూదేవి అమ్మవార్ల విగ్రహాలను ఓ అజ్ఞాత భక్తుడు హుండీలో వేశాడు.

గత నెల 28న హుండీలో ఈ కానుకలను సమర్పించినట్లు తిరుమల తిరుపతి దేవస్థానం (టిటిడి) వర్గాలు భావిస్తున్నాయి. ఈ మూడు విగ్రహాల్లో 1014 వజ్రాలు, 552 కెంపులు, 197 పచ్చలు, ఒక శ్రేష్టమైన నీలం వున్నట్లు గుర్తించారు. ఈ విగ్రహాలకు సంబంధించి టిటిడి అధికారులు గురువారం మదింపు కట్టారు. 14 అంగుళాల ఎత్తు వున్న మూలవిరాట్టును పోలి ఉన్న శ్రీవారి విగ్రహం 2కేజీల 57 గ్రాముల బరువు వుంది.

స్వామివారి విగ్రహంలోని ఫీఠానికి 28 వజ్రాలు, చక్రానికి 90, శంఖానికి 112, నామానికి 44, స్వామివారి శరీరంపై వున్న మొదటి హారానికి 36, రెండవ హారానికి 38, మూడవ హారానికి 68, పట్టీలకు 13 డైమండ్స్ వున్నాయి. కిరీటం పైభాగాన 16, మధ్య భాగాన 31, క్రింది భాగంలో 10 డైమండ్లు పొదిగి వున్నారు. 12 గ్రాముల బరువుకల్గిన లక్ష్మివిగ్రహానికి 40 వజ్రాలు పొదిగారు. ఈ విగ్రహం విలువ 2,99,900 రూపాయలుగా మదింపు వేశారు.

పద్మావతి అమ్మవారి విగ్రహం 81 గ్రాముల బరువుకాగా 2,34,900 రూపాయలుగా విలువ కట్టారు. ఈ విగ్రహంలో 30 వజ్రాలు వున్నట్లు మదింపుకట్టారు. మొత్తం మీద ఈ మూడు విగ్రహాల్లో పొదిగి వున్న వజ్రాలు 2సెంట్లు నుండి 10 సెంట్లు వున్నట్లు టిటిడి వర్గాలు తెలిపాయి. ఈ మూడు విగ్రహాల విలువను 1 కోటి 25 లక్షల, 27 వేల 800లుగా మదింపు వేశారు.

English summary
An unidentified devotee has donated 3 statues of Malayaswami, Sridevi and Bhudevi. The statue value will be avout Rs 1.25 crores
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X