అంగరంగ వైభవంగా బొత్స కూతురు పెళ్లి: నేతల క్యూ

విజయనగరం: ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ కూతురు సత్యశ్రీ అనూష పెళ్లి డాక్టర్ భరత్ కుమార్‌తో అంగరంగ వైభవంగా విజయనగరంలో జరిగింది. ఈ వేడుకకు రాష్ట్రానికి చెందిన దాదాపు నలభై మంది మంత్రులు, 120 మంది శాసనసభ్యులు ఇతర రాజకీయ ప్రముఖులు హాజరయ్యారు. పండితురు నిర్ణయించిన 10.05 నిమిషాలకు అనూష, భరత్ జంట ఒక్కటయింది.

పెళ్లికి బంధువులు, ప్రముఖులు వస్తుండటంతో విజయనగరం రహదారులు ఉదయం నుండే కళకళలాడాయి. సినీ ఆర్ట్ డైరెక్టర్ అశోక్ కుమార్ పెళ్లి మండపం సెట్ వేశారు. మండపంలో వేంకటేశ్వరుడి నిలువెత్తు విగ్రహం ఏర్పాటు చేశారు. ఆయన పాదాల వద్ద పెళ్లి పీటలను ఏర్పాటు చేశారు.

బొత్స దంపతులు అందరినీ సాదరంగా ఆహ్వానించారు. ముఖ్యమంత్రి కిరణ్ కుమార్ రెడ్డి, గవర్నర్ నరసింహన్, డిప్యూటీ ముఖ్యమంత్రి దామోదర రాజనర్సింహ, తమిళనాడు గవర్నర్ కొణిజేటి రోశయ్య, కేంద్రమంత్రులు జైపాల్ రెడ్డి, చిరంజీవి, పళ్లంరాజు, పనబాక లక్ష్మి, పార్లమెంటు సభ్యులు లగడపాటి రాజగోపాల్, యాష్కీ, తెరాస చీఫ్ కూతురు కవిత, బిజెపి నేతలు దత్తాత్రేయ తదితరులు భారీగా హాజరయ్యారు.

English summary

Move over big fat Indian wedding, the marriage of state Transport Minister Botsa Satyanarayana Rao's daughter, has been dubbed as the 'state wedding'.