• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఏ ముహూర్తంలో కూర్చున్నారో... : సిఎంపై రేణుకా

By Pratap
|
Renuka Choudhary
న్యూఢిల్లీ: కిరణ్ కుమార్ రెడ్డి ఏ ముహూర్తంలో ముఖ్యమంత్రి కుర్చీలో కూర్చున్నారో కానీ... మొదటి రోజు నుంచే ప్రతి రెండు రోజులకోసారి ఆయన మార్పుపై ఊహాగానాలు చెలరేగుతున్నాయని, ఇది చాలా విచారకరమని కాంగ్రెస్ అధికార ప్రతినిధి రేణుకా చౌదరి అన్నారు. అయితే, ఈ రోజుకు ముఖ్యమంత్రి కిరణేనని, ఆ కుర్చీలో ఆయనే కూర్చున్నారు కాబట్టి అంతా ఆయన్ను గౌరవించాలని అన్నారు. భవిష్యత్తులో కూడా ఆయనే కొనసాగుతారో? లేదో? తాను చెప్పలేనన్నారు. కిరణ్ కుమార్ రెడ్డిపై అధిష్టానానికి మాత్రం విశ్వాసం ఉందని అన్నారు.

కాబట్టి ముఖ్యమంత్రి మార్పు అంశంపై చర్చించడం సరికాదని ఆమె అన్నారు. సోమవారం ఢిల్లీలో పార్టీ కార్యాలయంలో ఆమె మీడియా ప్రతినిధులతో మాట్లాడారు. కిరణ్‌నే ముఖ్యమంత్రిగా కొనసాగించాలని ఎమ్మెల్యేలు అధిష్ఠానం పెద్దల్ని కలుస్తున్న విషయం తనకు తెలియదని అన్నారు. వారు వచ్చినట్లు కానీ, కలిసినట్లు కానీ తనకు తెలియదన్నారు. ఏదేమైనా వారు కలవడంలోనూ, తమ అభిప్రాయాలను అధిష్ఠానం పెద్దలకు చెప్పడంలోనూ తప్పేమీ లేదన్నారు.

మీడియా ఊహాగానాలు, వదంతుల నేపథ్యంలో అందరికీ అనుమానాలు వస్తున్నాయని, అందువల్లే వారు అలా చెప్పి ఉండొచ్చునని అన్నారు. కుర్చీలో కూర్చున్నది కిరణే అయినప్పుడు ఆయనే ముఖ్యమంత్రి అని ప్రతిరోజూ అధిష్ఠానం ఎలా ప్రకటిస్తుందని రేణుకా చౌదరి ప్రశ్నించారు. రాష్ట్ర మంత్రులు ఢిల్లీకి వచ్చినప్పుడే వరదలు వస్తాయని ఎవ్వరూ అనుకోలేదని, ఉన్నట్టుండి వరదలు రావటంతో ముఖ్యమంత్రి హుటాహుటిన తిరిగి వెళ్లిపోయారని చెప్పారు.

వరదల వల్ల చాలామంది రైతులకు నష్టం జరిగిందన్నారు. వెంటనే కలెక్టర్లతో మాట్లాడి వరద నష్టంపై ప్రతిపాదనలు సిద్ధం చేసి, తక్షణం రైతులను ఆదుకునే ప్రయత్నంలో తాము ఉన్నామన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని renuka chowdhary వార్తలుView All

English summary
AICC spokesperson Renuka Chowdhary has expressed unhappiness on the rumors about the change of CM. She said at present Kiran kumar Reddy is the CM of Andhra Pradesh.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more