• search
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సమాధానం చెప్తాం: తెలంగాణపై నాగంకు కెటిఆర్ కౌంటర్

By Srinivas
|
KT Rama Rao
హైదరాబాద్: కాంగ్రెసులో కలిసిపోయే పార్టీలో తాను చేరనని, తెలంగాణ కోసం భారతీయ జనతా పార్టీతో కలిసి పని చేస్తానన్న తెలంగాణ నగారా సమితి అధ్యక్షుడు, నాగర్ కర్నూలు శాసనసభ్యుడు నాగం జనార్ధన్ రెడ్డికి తెలంగాణ రాష్ట్ర సమితి నేత, సిరిసిల్ల శాసనసభ్యుడు కల్వకుంట్ల తారక రామారావు మంగళవారం కౌంటర్ ఇచ్చారు. తాము బుధ, గురువారాల్లో కరీంనగర్‌లో మేధోమథనం నిర్వహిస్తున్నామని, దాంతో నాగంకు సరైన సమాధానం చెబుతామన్నారు.

నాగం జనార్ధన్ రెడ్డి తన భరోసాయాత్రకు మద్దతివ్వాలని కోరుతూ తమను సంప్రదించలేదన్నారు. రేపటి నుండి రెండు రోజుల పాటు కరీంనగర్‌లో మేధోమథనం నిర్వహిస్తున్నామని, ఇందులో తెలంగాణపై స్పష్టమైన కార్యాచరణ ప్రకటిస్తామని చెప్పారు. తెలంగాణ ఉద్యమంపై ఈ సమావేశంలో డిక్లరేషన్ ప్రకటిస్తామని, అన్ని అంశాలపై తమ పార్టీ అధ్యక్షుడు కల్వకుంట్ల చంద్రశేఖర రావు స్పష్టత ఇస్తారని చెప్పారు.

ముఖ్యమంత్రి కిరణ్ కుమార్ రెడ్డిని కాపాడటానికి కొందరు ఎమ్మెల్యేలు లాబీయింగ్ చేయడం దురదృష్టకరమన్నారు. ముఖ్యమంత్రికి, మంత్రులకు పార్టీ పనులపై ఉన్న శ్రద్ధ రైతులపై లేదన్నారు. ఢిల్లీలో ర్యాలీకి పరుగులు తీసిన ప్రభుత్వం నీలం తుఫాను కారణంగా రైతులు అష్టకష్టాల్లో ఉంటే మాత్రం నిద్రపోతున్నట్లుగా ఉందన్నారు. తుఫాను విలయంతో రైతులు సర్వం కోల్పోతే కార్యాచరణకు దిగడానికి బదులు ముఖ్యమంత్రి మీనమేషాలు లెక్కిస్తున్నారన్నారు.

ముఖ్యమంత్రి కుర్చీని కాపాడుకునేందుకే ప్రయత్నాలు చేస్తున్నారు తప్ప ప్రజా సమస్యలపై స్పందించడం లేదన్నారు. పంట నష్టపోయిన రైతులకు ఎకరాకు రూ.30వేల నష్టపరిహారం ఇవ్వాలని డిమాండ్ చేశారు. ఏడాదిన్నర కిందట అందాల్సిన పరిహారం రైతులకు ఇప్పటికీ ఇవ్వలేదంటే ప్రభుత్వం చిత్తశుద్ధి ఏమిటో అర్థమవుతోందన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని హైదరాబాద్ వార్తలుView All

English summary
Telangana Rastra Samithi MLA KT Rama Rao said they will answer to Nagam Janardhan Reddy comments against TRS in party Karimnagar methomadhanam.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more