హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

బాబాయ్‌కి కాంపైన్, మామయ్య సిఎం: జూ. ఎన్టీఆర్

By Pratap
|
Google Oneindia TeluguNews

Jr Ntr
హైదరాబాద్: నందమూరి హీరో జూనియర్ ఎన్టీఆర్ చాలా రోజుల తర్వాత మళ్లీ రాజకీయ ప్రకటన చేశారు. వచ్చే ఎన్నికల్లో బాబాయ్ బాలకృష్ణ పోటీ చేస్తే తాను ప్రచారం చేస్తానని ఆయన చెప్పారు. కాబోయే ముఖ్యమంత్రి మామయ్య చంద్రబాబు నాయుడేనని ఆయన అన్నారు. బాలకృష్ణ రాజకీయ ప్రవేశం పట్ల ఆయన హర్షం వ్యక్తం చేశారు. బాలకృష్ణ ఎక్కడ పోటీ చేసినా తాను మద్దతు ఇస్తానని, తాను ప్రచారం చేస్తానని ఆయన చెప్పారు.

వచ్చే ఎన్నికల్లో తెలుగుదేశం పార్టీ ఘన విజయం సాధిస్తుందని, తెలుగుదేశం పార్టీ అధ్యక్షుడు చంద్రబాబు నాయుడు మళ్లీ ముఖ్యమంత్రి అవుతారని జూనియర్ ఎన్టీఆర్ అన్నారు. బాలయ్య రాజకీయాల్లోకి రావడం సంతోషంగా ఉందని చెప్పారు. ప్రస్తుతం తాను షూటింగ్‌లో బిజీగా ఉన్నానని, చంద్రబాబు వస్తున్నా... మీకోసం పాదయాత్రలో పాల్గొనే విషయం ఇప్పుడే చెప్పలేనని ఆయన అన్నారు.

బాద్‌షా చిత్రం షూటింగు పూర్తయిన తర్వాత చంద్రబాబు పాదయాత్రలో తాను పాల్గొనే విషయం ఆలోచిస్తానని ఆయన అన్నారు. రాష్ట్రం అభివృద్ధి చెందాలంటే తెలుగుదేశం పార్టీ అధికారంలోకి రావాలని ఆయన అన్నారు. పార్టీ అభివృద్ధికి, ప్రచారానికి తాను ఎప్పుడూ సిద్ధమేనని ఆయన అన్నారు. వచ్చే ఎన్నికల్లో తెలుగుదేశం పార్టీ తరఫున తాను ప్రచారం చేస్తానని ఆయన చెప్పారు.

చంద్రబాబుతో విభేదాలతో దూరంగా ఉంటూ వస్తున్న జూనియర్ ఎన్టీఆర్ ఇటీవల చంద్రబాబు మహబూబ్‌నగర్ జిల్లాలో అస్వస్థతకు గురైనప్పుడు వెళ్లి పరామర్శించారు. రాజకీయంగా ఆయన తెలుగుదేశం పార్టీకి మళ్లీ దగ్గర కావాలని అనుకుంటున్నట్లు తాజా ప్రకటనను బట్టి అర్థమవుతోంది. గత కొద్ది కాలంగా జూనియర్ ఎన్టీఆర్ తండ్రి నందమూరి హరికృష్ణ కూడా చంద్రబాబుతో సన్నిహితంగా మెలుగుతున్నారు.

English summary
Nandamuri Jr Ntr said that he will campaign for his uncle Balakrishna, if contest in coming election. He also saif that Telugudesam president Chandrababu Naidu will become CM of Andhra Pradesh.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X