'జగన్ ఆస్తి విలువ అప్పుడు 9లక్షలే, వైఎస్‌వి 2కోట్లు'

హైదరాబాద్: వైయస్ రాజశేఖర రెడ్డి కుటుంబ ఆస్తులను వెల్లడించాలని సామాజిక తెలంగాణ ఐక్యకార్యాచరణ సమితి వైయస్సార్ కాంగ్రెసు పార్టీ గౌరవాధ్యక్షురాలు, పులివెందుల శాసనసభ్యురాలు వైయస్ విజయమ్మ, పార్టీ అధ్యక్షుడు వైయస్ జగన్మోహన్ రెడ్డి సోదరి షర్మిలకు బహిరంగ లేఖ రాశారు. మరో ప్రజా ప్రస్థానం పేరిట పాదయాత్ర తెలంగాణలోని వనరులను దోపిడీ చేసేందుకేనని సామాజిక తెలంగాణ ఐకాస విమర్శించింది.

ఇప్పటికే దళితులకు చెందిన ఆరువేల ఎకరాల భూమి వైయస్ జగన్మోహన్ రెడ్డి చేతిలో ఉందని, ఆ పార్టీ అధికారంలోకి వస్తే హైదరాబాద్ స్మశానం అవుతుందని ఆందోళన వ్యక్తం చేశారు. రాష్ట్రంలో ఎందరో ముఖ్యమంత్రి పదవిని అలంకరించినా అలాంటి వారి కుటుంబాల్లో జైలుకెళ్లిన తొలి వ్యక్తి వైయస్ జగన్ మాత్రమే అన్నారు.

2004కు ముందు వైయస్ కుటుంబ ఆస్తి ఎంత, 2009 తర్వాత ఎంతో వెల్లడించాలని వారు డిమాండ్ చేశారు. ఇందుకు సంబంధించి సామాజిక తెలంగాణ విజయమ్మ, షర్మిలలకు 23 ప్రశ్నలతో కూడిన బహిరంగ లేఖను విడుదల చేసింది. 2004కు ముందు వైయస్ ఆస్తుల విలువ రూ.2 కోట్లు కాగా జగన్ ఆస్తుల విలువ రూ.9 లక్షలేనని వారు సమర్పించిన అఫిడవిట్‌లలో ఉందని చెప్పారు.

English summary

Samajika Telangana JAC demanded reveal of YS Rajasekhar Reddy's family properties before 2004 and after 2009.