• search
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ పార్టీలోకి దూకుళ్లకు బ్రేక్‌లు

By Pratap
|
YS Jagan
హైదరాబాద్: వైయస్ జగన్ నాయకత్వంలోని వైయస్సార్ కాంగ్రెసు పార్టీలోకి వలసలు ఆగిపోయినట్లు ప్రచారం జరుగుతోంది. తెలంగాణలోని నాయకులు పార్టీలోకి ఒక్కదుటున దూకేస్తారంటూ ఊహాగానాలు చెలరేగుతూ వచ్చాయి. వైయస్సార్ కాంగ్రెసు పార్టీ అధ్యక్షుడు వైయస్ జగన్ సోదరి షర్మిల పాదయాత్ర తెలంగాణలోకి ప్రవేశించిన తర్వాత దూకుళ్లు పెరుగుతాయని చెబుతూ వచ్చారు. తమ పార్టీలోకి 70 మందిదాకా శాసనసభ్యులు వస్తారని వైయస్సార్ కాంగ్రెసు పార్టీ నాయకులు చెబుతూ వచ్చారు.

అయితే, వైయస్ జగన్ పార్టీలోకి ఊహించినంతగా వలసలు జరగడం లేదని అంటున్నారు. చేర్చుకునే వారికి, చేరాలనుకునే వారికి స్పష్టత లేకపోవడమే వలసలకు ఆగిపోవడానికి కారణమని అంటున్నారు. పార్టీలో చేరాలని అనుకుంటున్నవారికి వైయస్ జగన్ నుంచి తగిన హామీలు లభించడం లేదని, అందువల్ల కొంత మంది పునరాలోచనలో పడ్డారని అంటున్నారు. వచ్చి చేరితే చూద్దామనే పద్ధతిలో వైయస్ జగన్ వ్యవహరిస్తున్నారని చెబుతున్నారు.

ఇంద్రకరణ్ రెడ్డి వంటి వాళ్లు ముందుగానే ఒక హామీని పొంది చేరారనే మాట వినిపిస్తోంది. జిట్టా బాలకృష్ణా రెడ్డికి కూడా భువనగిరి సీటు ఇస్తామనే హామీ లభించినట్లు చెబుతున్నారు. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తమను మోసం చేశారని భావిస్తున్న కెకె మహేందర్ రెడ్డి, జిట్టా బాలకృష్ణా రెడ్డి వంటి నాయకులు పార్టీలోకి తెలంగాణ రెడ్డి సామాజిక వర్గాన్ని తీసుకురావడానికి ప్రయత్నాలు చేస్తున్నారని చెబుతున్నారు.

మరోవైపు, తెలంగాణవాదం వల్ల కూడా జగన్ పార్టీలోకి వెళ్లాలని భావిస్తున్నవారికి బ్రేకులు పడుతున్నాయని చెబుతున్నారు. వైయస్ జగన్ పార్టీలో చేరాలని భావిస్తున్న నాయకులపై తెలంగాణవాదులు ఓ కన్నేసి ఉంచారని అంటున్నారు. నల్లగొండ జిల్లాకు చెందిన కోమటిరెడ్డి వెంకటరెడ్డి, కోమటిరెడ్డి రాజగోపాల్ రెడ్డి వైయస్సార్ కాంగ్రెసు పార్టీలో చేరడానికి సిద్ధపడ్డారు. అయితే, తెలంగాణవాదులు వాళ్ల ఇళ్ల ముందు ధర్నాలు చేశారు. ఇటువంటి పరిస్థితే తమకు ఎదురవుతుందేమోనని కొందరు వైయస్సార్ కాంగ్రెసు పార్టీలో చేరడానికి వెనకాడుతున్నట్లు చెబుతుననారు.

మొత్తం మీద, వైయస్సార్ కాంగ్రెసు పార్టీ నాయకులు చెప్పినంత వలసల జోరు ఉండదని అంటున్నారు. తెలంగాణపై స్పష్టమైన వైఖరి ఇవ్వకపోవడమే వలసలు పెరగకపోవడానికి ప్రధాన కారణమని చెబుతున్నారు. అయితే, వైయస్సార్ కాంగ్రెసు పార్టీ నాయకులు మాత్రం గాలం వేయడం మానుకోలేదని చెబుతున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని హైదరాబాద్ వార్తలుView All

English summary
It is said that Telangana leaders are thinking twice before taking decision to join in YS Jagan's YSR Congress party. The jumps are not reaching the levels of YSR Congress party leaders.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more