• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సాన్వీ హత్య కేసు: టెక్కీ రఘుకు మరణశిక్ష?

By Pratap
|
Raghunandan Yandamuri
న్యూయార్క్: అమెరికాలో పది నెలల పాప సాన్వీని హత్య చేసిన కేసులో నిందితుడు రఘునందన్ యండమూరికి మరణశిక్ష పడే అవకాశం ఉందని అటార్నీ అభిప్రాయపడ్డారు. డబ్బుల కోసం చిన్నారి సాన్వీని, ఆమె నాయనమ్మ సత్యవతిని టెక్కీ రఘునందన్ యండమూరి హత్య చేసిన విషయం తెలిసిందే. ఈ కేసులో నిందితుడు రఘునందన్ బుధవారం కోర్టు నియమించిన అటార్నీ స్టీఫెన్ హెక్‌మెన్ ముందు వాంగ్మూలం ఇచ్చాడు. తన నేరాన్ని అంగీకరించాడు. ఈ వాంగ్మూలం వీడియో రికార్డును అధికారులు మీడియాకు విడుదల చేశారు.

అతను ఇచ్చిన వాంగ్మూలం ప్రకారం - రఘునందన్ పూర్తిగా జూదశాలల్లోని ఆటలకు పూర్తి స్థాయిలో బానిసగా మారాడు. అమెరికాలోని శాన్‌జోన్, కాలిఫోర్నియా, వంటి పలు నగరాల్లోని కాసినోల్లో ఆయన 50 వేల డాలర్లకు పైగా పోగొట్టుకున్నాడు. దానికితోడు, తన వద్ద ఉన్న వివిధ బ్యాంకులకు చెందిన తొమ్మిది క్రెడిట్ కార్డులను వాడి 26,268 డాలర్ల విలువైన కొనుగోళ్లు జరిపాడు.

దాంతో డబ్బులు డిమాండ్ చేసి అప్పులు తీర్చడానికి రఘు సాన్వీని కిడ్నాప్ చేశాడు. ఆ ఆలోచనతో అక్టోబర్ 22వ తేదీన మాంటిబోమేరీ కౌంటీ అపార్టుమెంటులో ఉంటున్న వెన్న వెంకట్, చెంచులతలకు సంబంధించిన ఫ్లాట్‌లోకి వెళ్లాడు. సాఫ్ట్‌వేర్ ఇంజనీర్లు అయిన వెంకట్, లత అప్పటికే కార్యాలయాలకు వెళ్లిపోయారు. ఇంట్లో సత్యవతి, పది నెలల సాన్వీ మాత్రమే ఉన్నారు.

ఇంట్లోకి వెళ్లే ముందు తాను ఎవరినీ చంపాలని అనుకోలేదని, సత్యవతిని కత్తితో బెదిరించి పాపను ఎత్తుకెళ్లాలని అనుకున్నానని, కానీ ఆమె అడ్డం రావడంతో గొంతు కోశానని రఘు తన వాంగ్మూలంలో తెలిపాడు. సత్యవతి పడిపోయిందని, ఏడుస్తున్న సాన్వీ నోటిని దస్తీతో గట్టిగా అదిమి పట్టి, ఒక పెద్ద సూట్‌కేసులో సాన్వీని దూర్చానని చెప్పాడు. ఇంట్లో దొరికిన ఆభరణాలను, ఇతర విలువైన వస్తువులను కూడా అదే సూట్‌కేసులో పెట్టానని వివరించాడు. సాన్వీని కిడ్నాప్ చేసిన తర్వాత తాను ఏమేమి చేసింది, సాన్వీ ఎలా చనిపోయింది వంటి అన్ని వివరాలను రఘు విచారణలో వివరించాడు.

తాను చేసిన నేరం పెద్దదే అని, అయితే తనకు క్షమాభిక్ష ప్రసాదించాలని రఘు అటార్నీకి ఇచ్చిన వాంగ్మూలంలో అన్నాడు. క్షమించాలని అడిగే హక్కు కూడా తనకు లేదని అన్నాడు. అమెరికా కోర్టులో రఘునందన్‌పై అపహరణ, హత్య, దొంగతనం, తదితర 13 అభియోగాలను మోపారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని NRI వార్తలుView All

English summary
According to Attorney Raghunandan Yandamuri, accused in baby Saanvi and Satyavathi murder case may get capital punishment. His statement was recorded by attorney appointed by the US court.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more