• search
నిజామాబాద్ వార్తల కోసం
నోటిఫికేషన్స్ పై క్లిక్ చేయండి  

చంద్రబాబుకు స్వల్ప అస్వస్థత: తెలంగాణ సెగ

By Pratap
|
Chandrababu Naidu
నిజామాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడికి వస్తున్నా.. మీకోసం పాదయాత్రలో స్వల్ప ఇబ్బందులు ఏర్పడ్డాయి. ఆయన స్వల్ప అస్వస్థతతో బాధపడ్డారు. దీనివల్ల నడకలో ఇబ్బందులు వచ్చినట్లు సమాచారం. షుగర్ లెవెల్స్ చాలా పెరిగినట్లు తెలుస్తోంది. మూడు రోజుల పాటు విశ్రాంతి తీసుకోవాలని వైద్యులు సూచించారు. అయితే, చంద్రబాబు అందుకు నిరాకరించి పాదయాత్రను కొనసాగించడానికే నిర్ణయించుకున్నారు.

చంద్రబాబు పట్టు వీడకపోవడంతో తెలుగుదేశం పార్టీ నాయకుల్లో, కార్యకర్తల్లో ఆందోళన పెరుగుతోంది. వారు వారించినా చంద్రబాబు వినడం లేదు. ఆయన పాదయాత్ర శనివారం నిజామాబాద్ జిల్లాలో నాలుగో రోజు కొనసాగింది. ఇదిలావుంటే, ఆయనకు తెలంగాణ సెగ తగిలింది. తెలంగాణ రాష్ట్ర సమితి (తెరాస)ను విమర్శించే సందర్భంలో తెలంగాణవాదులు అభ్యంతరం చెప్పారు. జిల్లాలోని బీర్కూర్‌లో ఈ సంఘటన చోటు చేసుకుంది.

ఉద్యమం పేరుతో తెలంగాణ రాష్ట్ర సమితి మోసం చేస్తోందని చంద్రబాబు చేసిన విమర్శకు తెలంగాణవాదులు అభ్యంతరం చెప్పారు. మీరు మోసం చేయడం లేదా అని తెలంగాణవాదులు అడిగారు. తెలంగాణవాదులను పోలీసులు అడ్డుకున్నారు. దీంతో పరిస్థితి సద్దుమణిగింది.

బీర్కూర్ సభలో చంద్రబాబు వైయస్సార్ కాంగ్రెసు, తెరాసలపై తీవ్ర విమర్శలు చేశారు. అవినీతి సొమ్ముతో వైయస్సార్ కాంగ్రెసు పార్టీ, ప్రజల సొమ్ముతో తెరాస పత్రికలు, టీవీ చానెళ్లు పెట్టాయని ఆయన విమర్శించారు. తెలంగాణపై కేంద్ర ప్రభుత్వమే స్పష్టత ఇవ్వాలని ఆయన అన్నారు.

తెలంగాణకు తమ పార్టీ వ్యతిరేకం కాదని ఆయన మరోసారి స్పష్టం చేశారు. తెలంగాణపై అఖిలపక్ష సమావేశం ఏర్పాటు చేయాలని కోరుతూ ప్రధాని మన్మోహన్ సింగ్‌కు లేఖ రాసినప్పటికీ ఎటువంటి స్పందన లేదని ఆయన అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని నిజామాబాద్ వార్తలుView All

English summary
Telugudesam president N Chandrababu Naidu is suffering from ill health during his padayatra in Nizamabad district.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more