సోనియాను ప్రశ్నించినందుకే జగన్ జైలుకు: అంబటి
కాంగ్రెస్, తెలుగుదేశం పార్టీలు కుమ్మక్కయి జగన్ను జైల్లో పెట్టారని ఆరోపించారు. హత్య చేసిన ఖైదీకి కూడా 6 నెలలు పూర్తి కాగానే బెయిలు మంజూరయ్యే అవకాశం ఉంటుందని, ఏ తప్పు చేయని జగన్కు బెయిల్ ఇవ్వడం లేదని ఆయన అన్నారు. ఇది కాంగ్రెస్ దిగజారుడు రాజకీయాలకు నిదర్శనమని విమర్శించారు. జగన్ను అక్రమంగా జైల్లో పెట్టారని, ప్రజలు వీటిని గమనిస్తున్నారని తెలిపారు.
వైయస్ రాజశేఖర్రెడ్డి అధికారంలో ఉండగా ఒక్క మంత్రి కూడా జైలుకు వెళ్లలేదన్నారు. కాంగ్రెస్ పార్టీలో అవినీతి చేయని మంత్రి ఎవరున్నారన్నారు. మోపిదేవి వెంకటరమణకు ఒక న్యాయం ధర్మాన ప్రసాదరావుకు మరో న్యాయామా అని ప్రశ్నించారు. త్వరలోనే జగన్ విడుదలవుతారని, ప్రజల కష్టాలు తీరుస్తారని అశాభావం వ్యక్తం చేశారు.
వైయస్సార్ కాంగ్రెసు శాసనసభ్యుడు ధర్మాన కృష్ణదాస్ మాట్లాడుతూ తమ పార్టీ నాయకులంతా ఒకే కుటుంబమని తెలిపారు. జగన్మోహన్రెడ్డి త్వరలోనే జైలు నుంచి విడుదలవుతారన్నారు. వైయస్సార్ కాంగ్రెసు పార్టీ నాయకులు ధర్మాన పద్మప్రియ, అందవరపు సూరిబాబు తదితరులు ఈ కార్యక్రమంలో పాల్గొన్నారు.
Click it and Unblock the Notifications
Sign in with Google