• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సోనియా గాంధీ కసరత్తు: తెలంగాణపై తేల్చేయడమే

By Pratap
|
Sonia - Telangana
న్యూఢిల్లీ‌: తెలంగాణ అంశాన్ని నెల లోపలే తేల్చేయడానికి కాంగ్రెసు అధ్యక్షురాలు సోనియా గాంధీ కసరత్తు చేస్తున్నారు. సంక్రాంతి పండుగ దాటిన వెంటనే ఓ ప్రకటన చేయడానికి సిద్ధమవుతున్నట్లు వార్తలు వస్తున్నాయి. గత రెండు రోజుల పాటు పార్టీ కోర్ కమిటీ తెలంగాణపై చర్చలు జరిపింది. శనివారంనాడు కాంగ్రెసు అధిష్టానం పెద్దలు తెలంగాణపై కసరత్తు చేసినట్లు తెలుస్తోంది. రాష్ట్రానికి చెందిన పార్టీ సీనియర్ నేతలతో వారు రహస్య మంతనాలు చేస్తున్నట్లు తెలుస్తోంది. తెలంగాణకు చెందిన రాష్ట్ర మంత్రి కె. జానా రెడ్డి కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్‌తో చర్చలు జరిపినట్లు తెలుస్తోంది.

అధిష్ఠానం పెద్దలతో జానా రెడ్డి చర్చలు జరిపినట్లు చెబుతున్నారు. చర్చల సారాన్ని రహస్యంగా ఉంచే ఉద్దేశంతో జానా రెడ్డి మీడియాతో కూడా మాట్లాడలేదని అంటున్నారు. దీంతో ఆయనకు అధిష్టానం పెద్దల అపాయింట్‌మెంట్ దొరకలేదనే ప్రచారం జరిగిందని అంటున్నారు. రాష్ట్రానికి చెందిన ఇరు ప్రాంతాల సీనియర్ నేతలతో కాంగ్రెసు అధిష్టానం నాయకులు రహస్యంగా మంతనాలు జరుపుతున్నారు. రాష్ట్ర ప్రయోజనాలను, పార్టీ ప్రయోజనాలను దృష్టిలో పెట్టుకుని నిర్ణయం తీసుకోవాలని వారు చెప్పినట్లు సమాచారం.

విభజన, ప్యాకేజీలు వంటి అంశాలపై, వాటి పర్యవసనాలపై పార్టీ అధిష్టానం కసరత్తు చేస్తున్నట్లు తెలుస్తోంది. రాష్ట్రాన్ని విభజిస్తే ఎలా ఉంటుందనే విషయంపై కూడా ఆలోచన చేస్తున్నారని అంటున్నారు. పార్టీకి ఏ రకంగా ప్రయోజనం జరుగుతుంది, దానివల్ల తలెత్తే పరిణామాలు ఏమిటనే విషయాలను క్షుణ్నంగా పరిశీలిస్తున్నట్లు తెలుస్తోంది.

తెలంగాణపై చర్చించేందుకు ఢిల్లీ రావాలని ముఖ్యమంత్రి కిరణ్ కుమార్ రెడ్డికి, పిసిసి అధ్యక్షుడు బొత్స సత్యనారాయణకు అధిష్టానం నుంచి పిలుపు వచ్చింది. దీంతో శనివారం రాత్రి బొత్స సత్యనారాయణ ఢిల్లీకి ప్రయాణం కట్టారు. ముఖ్యమంత్రి ఎల్లుండి సోమవారం ఉదయం ఢిల్లీకి వెళ్తారని అంటున్నారు. తెలంగాణపై ఏకాభిప్రాయం మాటను పక్కన పెట్టి అటో ఇటో తేల్చేయాలనే పట్టుదలతోనే సోనియా గాంధీ ఉన్నట్లు చెబుతున్నారు.

కాగా, లోకసభకు ఈ ఏడాది సెప్టెంబర్, అక్టోబర్ నెలల్లోనే ఎన్నికలు జరిపించాలనే ఉద్దేశంతో కూడా కాంగ్రెసు అధిష్టానం ఉన్నట్లు తెలుస్తోంది. దీంతో తెలంగాణ అంశాన్ని తేల్చేసేందుకు సిద్ధపడినట్లు సమాచారం. ఏమైనా, కొద్ది రోజుల్లోనే తెలంగాణ అంశం తేలిపోనున్నట్లు ప్రచారం ముమ్మరంగా సాగుతోంది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
It is said that Congress president Sonia Gandhi has in a bid to solve Telangana issue as early possible. It is also said that a statement on Telangana will be delivered after Sankranthi festival.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more