• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

పాతబస్తీ టెన్షన్ టెన్షన్: అక్బర్ ఫోటోతో ర్యాలీ, రాళ్ల వర్షం

By Srinivas
|

Tension in Old City
హైదరాబాద్/అదిలాబాద్: రాజధాని హైదరాబాదులోని పాతబస్తీలో శుక్రవారం ఉద్రిక్త పరిస్థితి ఏర్పడింది. మజ్లిస్ శాసనసభా పక్ష నేత అక్బరుద్దీన్ ఓవైసీ అరెస్టు నేపథ్యంలో ఎప్పటి కంటే భారీగా మక్కా మసీదు వద్ద బందోబస్తు ఏర్పాటు చేశారు. ప్రార్థనలు ప్రశాంతంగా ముగిశాయి. అనంతరం బయటకు వచ్చిన మజ్లిస్ పార్టీ కార్యకర్తలు చార్మినార్ వైపుకు అటు నుండి లాల్ బజార్ వైపుకు దూసుకు వెళ్లే ప్రయత్నాలు చేశారు.

శాంతియుతంగా ర్యాలీ చేసుకోవచ్చునని పోలీసులు చెప్పారు. అయితే ఆందోళనకారులు మాత్రం పోలీసుల పైకి రాళ్లు రువ్వారు. పలు పోలీసు వాహనాలను ధ్వంసం చేశారు. అక్బరుద్దీన్ ఓవైసీ చిత్రపటంతో వారు ర్యాలీ తీసే ప్రయత్నాలు చేశారు. శాంతియుతంగా చేస్తేనే అనుమతిస్తామని చెప్పిన పోలీసుల మాటలు ఆందోళనకారులు పట్టించుకోలేదు. పోలీసుల పైన, వాహనాల పైన రాళ్లు రువ్వడమే కాకుండా వాహనదారుల పైన దాడి యత్నం చేశారు.

దీంతో పోలీసులు ఆందోళనకారులపై లాఠీచార్జ్ చేశారు. బాష్పవాయువు ప్రయోగించి ఆందోళనకారులను చెదరగొట్టారు. పరిస్థితి ఇప్పుడు అదుపులోకి వచ్చింది. అయితే ఎలాంటి ఉద్రిక్త పరిస్థితులు మరోసారి తలెత్తకుండా ఉండేందుకు పోలీసులు అక్కడనే భారీగా మోహరించారు. ఆందోళనకారుల రాళ్ల దాడిలో ఇద్దరు ఫోటో గ్రాఫర్లు, పలువురు పోలీసులు స్వల్పంగా గాయపడ్డారు.

భాగ్యలక్ష్మి ఆలయం వద్ద కట్టుదిట్టమైన భద్రత

ఆందోళనకారులు చార్మినార్ దగ్గర్లోని భాగ్యలక్ష్మి ఆలయం వైపుకు రాకుండా ఉండేందుకు పోలీసులు కట్టుదిట్టమైన భద్రతను ఏర్పాటు చేశారు. ముళ్ల కంచెను, బారీకేడ్లను ఏర్పాటు చేశారు. అక్కడ పెద్ద ఎత్తున పోలీసులను మోహరించారు. అటువైపు ఆందోళనకారులు రాకుండా చూశారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
MIM party rally turned to tension on Friday in Old City. Police were attacked by stones by agitators.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more