డాక్టర్ కామాంధుడు: పేషెంట్లతో రాసలీల, ఫోన్లో చిత్రీకరణ

రాజమండ్రి: తూర్పు గోదావరి జిల్లాలో ఓ కామాంధుడైన వైద్యుడి బాగోతం వెలుగులోకి వచ్చింది. తన భర్త కామాంధుడు అంటూ సదరు డాక్టర్ సతీమణి ఓ ఛానల్‌తో మాట్లాడుతూ ఆరోపించారు. రాజమండ్రిలో ఓ వైద్యుడు పిజియోథెరపిస్ట్‌గా పని చేస్తున్నాడు. అతను తన వద్దకు వచ్చిన పేషెంట్లను లొంగదీసుకొని వారితో రాసలీలలు జరిపేవాడు. అంతేకాకుండా వారితో జరిపిన రాసలీలలను అతను తన సెల్ ఫోన్లో చిత్రీకరించేవాడు.

తన వద్దకు ట్రీట్‌మెంట్ కోసం వచ్చే అమ్మాయిలను, మహిళలను అతను టార్గెట్ చేసుకునేవాడు. తన భర్త తనను నిత్యం హింసించే వాడని, తన కళ్ల ముందే ఇతరులతో రాసలీలలు నెరిపేవాడని ఆమె ఆరోపించారు. తనపై చిత్రహింసలు, ఇతరులను లొంగదీసుకొని రాసలీలలు జరిపే విషయంపై తాను పోలీసులకు ఫిర్యాదు చేశానని చెప్పారు. లొంగ దీసుకున్న మహిళలను చిత్రీకరించి వారిని బ్లాక్ మెయిల్ చేసేవాడు.

తొలుత ఈ డాక్టర్ విజయవాడలో ఉండేవాడు. అక్కడ ఇలాగా చేసేవాడు. తన భర్తలో మార్పు వస్తుందని భార్య నిరీక్షించింది. ఆ తర్వాత రాజమండ్రికి వచ్చారు. ఇక్కడా అలాగే చేయడం ప్రారంభించాడు. అంతేకాకుండా భార్యను హింసించేవాడు. తనను హింసించడం కాకుండా అమాయక అమ్మాయిలను, మహిళలను లొంగదీసుకోవడాన్ని జీర్ణించుకోలేని ఆమె తాను ఇప్పుడు బయట పెడుతున్నానని చెప్పారు.

తాను గర్భీణీని అని చూడకుండా వేధించాడని ఆమె ఆరోపించారు. ఇన్నాళ్లూ తన భర్తలో మార్పు వస్తుందని చూశానని కానీ, అలా రావడం లేదన్నారు. వీరికి 2009లో పెళ్లయింది. ఇటీవల ఆమె తన భర్త సెల్ ఫోన్ దొరకడం, అందులో అమ్మాయిల రాసలీలలు ఉండటం గమనించిన ఆమె దానిని పోలీసులకు చూపించారు. కాగా పోలీసులు అతనిని అదుపులోకి తీసుకున్నట్లుగా తెలుస్తోంది.

English summary

A Doctor is misbehaving with girl and women patients in East Godavari district on Tuesday.