ఢిల్లీ గ్యాంగ్ రేప్: ఆరో నిందితుడు మైనర్ అని ప్రకటన

న్యూఢిల్లీ: ఢిల్లీ గ్యాంగ్ రేప్ కేసులో ఆరో నిందితుడు మైనర్ అని జువనైల్ జస్టిస్ బోర్డు సోమవారం ప్రకటించింది. అందువల్ల అతనిపై విచారణ మైనర్‌ను విచారించే రీతిలోనే జరుగుతుంది. దాంతో ఫాస్ట్ ట్రాక్‌ కోర్టులో అతనిపై విచారణ జరిగే అవకాశం లేదు. ఫాస్ట్ ట్రాక్ కోర్టు ఐదుగురు నిందితులపై విచారణ జరుపుతోంది.

స్కూల్ సర్టిఫికెట్‌ను చూపుతూ ఆరో నిందితుడు 1995 జూన్ 4వ తేదీన జన్మించినట్లు జువనైల్ జస్టిస్ బోర్డు తెలిపింది. పోలీసులు అతనికి బోన్ ఆసిఫికేషన్ టెస్టు జరపాలని డిమాండ్ చేస్తున్నారు. అయితే, స్కూల్ సర్టిఫికెట్‌ను చూపుతూ ఆ అవసరం లేదని జువనైల్ బోర్డు అంటోది.

జువనైల్ జస్టిస్ బోర్డు సందేహాలు వ్యక్తం చేస్తే మాత్రమే బోన్ ఆసిఫికేషన్ టెస్టు వయసు నిర్ధారణ కోసం అనుమతిస్తారు. పాఠశాల సర్టిఫికెట్ పట్ల బోర్డు విశ్వాసం వ్యక్తం చేస్తోంది. అయితే, తాము ఈ విషయంపై హైకోర్టుకు వెళ్తామని నిందితుడికి వ్యతిరేకంగా వాదిస్తున్న న్యాయవాది అంటున్నారు. మైనర్ అయినందున ఆరో నిందితుడిని జువనైల్ జస్టిస్ యాక్ట్ కింద మాత్రమే విచారిస్తారు. దాని కింద అతనికి గరిష్టంగా మూడేళ్ల జైలు శిక్ష, పడుతుంది.

కదులుతున్న బస్సులో ఆ మధ్య దారుణంగా ఆరుగురు పారా మెడికల్ విద్యార్థినిపై సామూహిక అత్యాచారానికి పాల్పడిన విషయం తెలిసిందే. ఆమె 13 రోజుల పాటు మృత్యువుతో పోరాడి మరణించింది. ఆరుగురు నిందితుల్లో ఒకతను మైనర్ కావడం గమనార్హహం.

English summary

Juvenile Justice Board on Monday, Jan 28 declared that the sixth accused of infamous Delhi gang-rape is indeed a juvenile. Hence he will be tried in the case as a minor and may be spared from facing trials in fast-track court which is hearing the case of other five accused.