• search

స్కూల్ లంచం కేసు: మంత్రి రాంరెడ్డికి హైకోర్టులో షాక్

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Ramreddy Venkat Reddy
    హైదరాబాద్: మంత్రి రాంరెడ్డి వెంకట రెడ్డికి రాష్ట్ర అత్యున్నత న్యాయస్థానం హైకోర్టు బుధవారం షాక్ ఇచ్చింది. లంచం కేసుపై దర్యాప్తు జరపాలని వరంగల్ ఎస్పీని కోర్టు ఆదేశాలు జారీ చేసింది. డిఎస్పీ స్థాయి అధికారితో విచారణ జరపాలని, ఫిబ్రవరి 4 నుంచి 15వ తేదీలోగా నివేదిక ఇవ్వాలని కోర్టు ఆదేశించింది.

    ఈ కేసుకు సంబంధించి హైకోర్టుకు హాజరైన ఖమ్మం టెక్నో స్కూల్ యాజమాన్యం రూ.35 లక్షలు లంచం ఇచ్చామని కోర్టుకు వెల్లడించింది. పాఠశాల కరస్పాండెంట్, పిటిషనర్ బుధవారం న్యాయమూర్తి ఎదుట హాజరై తాము మంత్రికి, ఆయన అనుచరులకు రూ.35 లక్షల రూపాయల లంచాన్ని వేర్వేరు మార్గాల ద్వారా ఇచ్చినట్లు తెలిపారు.

    కాగా మంత్రికి లంచం ఇచ్చామని ఖమ్మం జిల్లా ఎన్కూరులోని శ్రీచైతన్య టెక్నో స్కూల్ యాజమాన్యం హైకోర్టుకు ఎక్కిన విషయం తెలిసిందే. ఇతర అధికారులు 15 లక్షల రూపాయలు తీసుకున్నారని స్కూలు యాజమాన్యం ఆరోపించింది. శ్రీచైతన్య టెక్నో స్కూల్ కరస్పాండెంట్ గుగులోత్ చిన్నా, ప్రధానోపాధ్యాయుడు వి రమేష్ హైకోర్టులో పిటిషన్ దాఖలు చేశారు. దానిపై జస్టిస్ ఎల్ నరసింహా రెడ్డి విచారణ చేపట్టారు.

    ముడుపులు ఇచ్చినందుకు పిటిషనర్లపై కూడా చర్యలు ఉంటాయని జస్టిస్ ఎల్ నరసింహారెడ్డి అన్నారు. పిటిషనర్ల తరఫున న్యాయవాది పివి కృష్ణయ్య వాదనలు వినిపించారు. అప్పుడు విచారణ సంక్రాంతి సెలవుల తర్వాతకు వాయిదా పడింది. స్కూలును డిసెంబర్ 31వ తేదీ నుంచి మూసేయాలని డిఇవో ఇచ్చిన ఆదేశాలను సవాల్ చేస్తూ ఆ పిటిషన్ వేశారు. మంత్రికి, ఇతర అధికారులకు ఇచ్చిన 50 లక్షల రూపాయలను తమకు తిరిగి ఇప్పించాలని, మంత్రి ఆదాయానికి మించిన ఆస్తులపై సిబిఐ చేత విచారణ జరిపించాలని, ఇతర అధికారులపై ఎసిబి దర్యాప్తునకు ఆదేశించాలని పిటిషనర్లు హైకోర్టును కోరారు.

    కాగా, శ్రీచైతన్య టెక్నో స్కూల్ యాజమాన్యం ఆరోపణలను మంత్రి రాంరెడ్డి వెంకటరెడ్డి అప్పుడు ఖండించారు. శ్రీచైతన్య టెక్నో స్కూల్ వ్యవహారాలతో తనకు సంబంధం లేదని ఆయన అన్నారు. ఎవరి వద్ద కూడా తాను డబ్బులు తీసుకోలేదని ఆయన అన్నారు. తనపై కేసు వేసిన వ్యక్తులపై పరువు నష్టం దావా వేస్తానని ఆయన హెచ్చరించారు. కేసు వేసిన వ్యక్తి ఎవరో కూడా తనకు తెలియదని అన్నారు.

    English summary
    Minister Ramreddy Venkat Reddy is in deep trouble, as Sri Chaitanya Techno School in Khammam District management has filed petition in the High Court, alleging the former has taken bribe.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more