• search
For adilabad Updates
Allow Notification  

    గొంతుమార్చిన అక్బర్! అనారోగ్యమని.: బెయిలొచ్చినా

    By Srinivas
    |
    Akbaruddin Owaisi
    అదిలాబాద్: మజ్లిస్ పార్టీ శాసనసభా పక్ష నేత అక్బరుద్దీన్ ఓవైసీ గొంతుమార్చి మాట్లాడినట్లుగా చెబుతున్నారు. అదిలాబాద్ నిర్మల్ సభలో హిందువులు, హిందూ దేవతలుపై వివాదాస్పద వ్యాఖ్యలు చేసిన అక్బరుద్దీన్ ఓవైసికి మంగళవారం నిర్మల్ మెజిస్ట్రేట్ ఎదుట గొంతు పరీక్షలు నిర్వహించారు. ఫోరెన్సిక్ నిపుణుల ఆధ్వర్యంలో ఈ పరీక్షలు జరిగాయి. అయితే అక్బర్ గొంతు మార్చి మాట్లాడినట్లుగా వార్తలు వస్తున్నాయి.

    అయితే అక్బరుద్దీన్ గొంతు మార్చి మాట్లాడలేదని, అనారోగ్యం కారణంగా ఆయన గొంతు అలా వస్తుందని చెబుతున్నారు. సిడిలలోని స్వరాన్ని పోల్చుకునేందుకు అక్బరుద్దీన్ ఓవైసికి మరోసారి స్వర పరీక్షలు నిర్వహించే అవకాశముంది. ఆయన ఆరోగ్యం కుదుటపడిన తర్వాత ఈ పరీక్షలు నిర్వహించే అవకాశం ఉంది. మరోవైపు అక్బరుద్దీన్ రిమాండు ఈ రోజుతో ముగిసినందున కోర్టు ఆయన రిమాండును 19వ తేది వరకు పొడిగించింది.

    మరోవైపు 2005లో మెదక్ జిల్లా కలెక్టర్‌ను దూషించిన కేసులో అక్బరుద్దీన్‌కు బెయిల్ మంజూరయింది. రూ.10వేల ధరావతు, ఇద్దరి పూచికత్తుతో కోర్టు ఆయనకు బెయిల్ మంజూరు చేసింది. ఈ కేసులో అక్బరుకు బెయిల్ మంజూరయినా హేట్ స్పీచ్ కేసులో బెయిల్ రాలేదు.

    సొంత పార్టీకి చెందిన శాసనసభ్యుడిని కలిసేందుకు మజ్లిస్ పార్టీ శాసనసభా పక్ష నేత అక్బరుద్దీన్ ఓవైసీ సోమవారం నిరాకరించారట. హిందువులు, దేశం పైన వివాదాస్పద వ్యాఖ్యలు చేసిన కేసులో అరెస్టైన అక్బర్ అదిలాబాదు జిల్లా సబ్ జైలులో ఉన్నారు. సోమవారం ఆయనను కలిసేందుకు పార్టీకి చెందిన చార్మినార్ ఎమ్మెల్యే ఖాద్రీ పాషా వచ్చారు. అయితే ఆయనను కలిసేందుకు అక్బర్ నిరాకరించినట్లుగా జైలు అధికారులు చెప్పారు.

    అయితే, ఖాద్రీ పాషా మాత్రం అక్బర్ నడవలేని స్థితిలో ఉన్నందున తాను కలవలేకపోయానని చెప్పారు. ఖాద్రీ అక్బరును చూసేందుకు హైదరాబాదు నుండి అదిలాబాదు జిల్లా జైలు వద్దకు చేరుకున్నారు. అక్బరుతో ఆయన కలువలేకపోయారు. అనంతరం ఆయన మాట్లాడారు. అక్బరు, మజ్లిస్ పార్టీ పైన రాజకీయ కుట్ర జరుగుతోందన్నారు. తమ పార్టీని బలహీనపర్చే కుట్రను ప్రభుత్వం చేస్తోందన్నారు. అయితే, తాము ప్రజల మద్దతుతో మరిన్ని ఎక్కువ సీట్లు కైవసం చేసుకుంటామని చెప్పారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    మరిన్ని ఆదిలాబాద్ వార్తలుView All

    English summary
    The MIM MLA representing the Charminar constituency in Hyderabad Mr Ahmed Pasha Quadri, has accused the government of harassing MIM leaders.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more