వరంగల్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

'సిఎం ఢిల్లీ వెళ్తున్నారని..': తెలంగాణ కోసం ఆత్మహత్య

By Srinivas
|
Google Oneindia TeluguNews

Warangal erupts as BTech student end life
వరంగల్: తెలంగాణ కోసం మరో యువకుడు ఆత్మహత్య చేసుకున్నాడు. వరంగల్ జిల్లా ఆత్మకూరు మండలం గూడెప్పాడు వద్ద ఉన్న విట్స్ కళాశాలలో కడవెండి నీరజ్ భరద్వాజ్(20) బిటెక్(సివిల్) మొదటి సంవత్సరం చదువుతున్నాడు. ఉదయం కళాశాలకు చేరుకున్న భరద్వాజ్ మరుగుదొడ్డిలోకి వెళ్లి వెంట తెచ్చుకున్న డీజిల్‌ను ఒంటిపై పోసుకొని నిప్పంటించుకున్నాడు. సహచర విద్యార్థులు వరంగల్లోని మహాత్మా గాంధీ మెమోరియల్(ఎంజిఎం) ఆసుపత్రికి తరలించారు.

గాయాలు పెద్దవి కావడంతో పరిస్థితి విషమించి సోమవారం రాత్రి చికిత్స పొందుతూ భరద్వాజ్ తుది శ్వాస విడిచాడు. తన ఆత్మ బలిదానంతోనైనా కాంగ్రెసు పార్టీకి కనువిప్పు కలగాలని భరద్వాజ్ ఆకాంక్షించాడు. తెలంగాణ కోసమే తాను చావాలనుకున్నానని, ముఖ్యమంత్రి కిరణ్ కుమార్ రెడ్డి సోమవారం ఢిల్లీ వెళ్తున్నారని మీడియా ద్వారా తెలిసిందని, అదే రోజు ఆథ్మ బలిదానానికి సిద్ధపడితే దాని ప్రభావం అధిష్టానంపై ఉంటుందనే భావనతోనే భరద్వాజ్ ఆత్మహత్యకు పూనుకున్నట్లు తనతో చెప్పారని టిఎంయు నేత బాబు తెలిపారు.

తెలంగాణ కాంగ్రెస్ మంత్రులు రాజీనామా చేయాలని, లేకుంటే ఆ మంత్రులను చెప్పులతో కొట్టాలని, తెలంగాణ కోసం నాదే ఆఖరి చావు కావాలని ఆత్మహత్య చేసుకోవడానికి ముందు భరద్వాజ్ తన సెల్ నుంచి మిత్రులకు, కుటుంబ సభ్యులకు, కొందరు జెఏసి ప్రతినిధులకు ఎస్సెమ్మెస్ పంపించాడు. భరద్వాజ్ ఆత్మహత్యపై ఆగ్రహం చెందిన విట్స్ కళాశాల విద్యార్థులు తరగతులను బహిష్కరించి సోమవారం ఉదయం ఆస్పత్రికి పెద్ద సంఖ్యలో చేరుకున్నారు.

తెలంగాణ మంత్రులకు వ్యతిరేకంగా నినాదాలు చేశారు. ఈ సమయంలో అటువైపుగా వచ్చిన రెండు ఆర్టీసీ బస్సులపై విద్యార్థులు రాళ్లు రువ్వగా అద్దాలు ధ్వంసం అయ్యాయి. తర్వాత సమీపంలో ఉన్న మంత్రి బస్వరాజు సారయ్య ఇంటిని ముట్టడించేందుకు ప్రయత్నించారు. దీన్ని పోలీసులు అడ్డుకున్నారు. ఈ సందర్భంగా ఘర్షణ వాతావరణం నెలకొంది. విద్యార్థులు పోలీసు వాహనంపై, ఎమ్మెల్సీ పుల్లా పద్మావతి భర్త భాస్కర్ వాహనంపై రాళ్లు రువ్వారు. నేడు భరద్వాజ్ అంతిమయాత్ర ఉంటుంది.

English summary

 Massive protests were organised in Warangal after a BTech student commit suicide on Monday in protest against the delay in formation of Telangana.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X