• search
For hyderabad Updates
Allow Notification  

    హెచ్చరికలు రొటిన్‌గానా?: పేలుళ్లపై బాబు, ఊహాచిత్రాలు

    By Srinivas
    |
    Chandrababu Naidu
    హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు శుక్రవారం ఉదయం హైదరాబాదులోని దిల్‌సుఖ్ నగర్‌లో పేలుళ్లు జరిగిన ప్రాంతాన్ని పరిశీలించారు. గుంటూరు జిల్లా పాదయాత్రలో ఉన్న చంద్రబాబు పేలుడు విషయం తెలియగానే ఈ రోజు తన వస్తున్నా మీకోసం పాదయాత్రను రద్దు చేసుకొని వచ్చారు. పేలుడు ప్రాంతాన్ని సందర్శించారు. ఈ సందర్భంగా చంద్రబాబు మీడియాతో మాట్లాడారు.

    నిఘా వర్గాలు, కేంద్ర హోంశాఖ హెచ్చరికలను ముఖ్యమంత్రి కిరణ్ కుమార్ రెడ్డి రొటీన్‌గా తీసుకోవడం బాధాకరమన్నారు. హెచ్చరికలను పట్టించుకోకుండా ఉండవద్దని సూచించారు. శాంతిభద్రతల విషయంలో మరింత ముందు జాగ్రత్త చర్యలు పాటించాల్సిన అవసరముందన్నారు. సాయిబాబా గుడి వద్ద పన్నెండేళ్ల క్రితం ఘటన జరిగిన తర్వాత 2002 నుండి 2004 వరకు టిడిపి లా అండ్ ఆర్డర్‌ను కట్టుదిట్టం చేసిందన్నారు.

    రాజకీయాలకు అతీతంగా ఈ ఘటనపై స్పందించాలని ఆయన అన్నారు. పక్కా ప్రణాళిక ప్రకారమే పేలుళ్లు జరిగినట్లుగా తెలుస్తోందన్నారు. ప్రజలు సంయమనంతో ఉండాలని సూచించారు. హెచ్చరికలు బేఖాతరు చేయడం వల్ల అమాయకుల ప్రాణాలు పోయాయని ఆయన ఆవేదన వ్యక్తం చేశారు. ప్రస్తుత ఉద్యోగానికి వెళ్లిన వారు సురక్షితంగా తిరిగి వస్తారనే నమ్మకం లేకుండా పోయిందన్నారు. ఇలాంటి ఘటనలు పునరావృతం కాకుండా చూడాలని ఆయన సూచించారు. అనంతరం ఆయన కమలా ఆసుపత్రిలో బాధితులను పరామర్శించారు.

    సడక్ బంద్ వాయిదా

    దిల్‌సుఖ్ నగర్‌లో బాంబు పేలుడు నేపథ్యంలో ఈ నెల 24న జరగాల్సిన సడక్ బందును తెలంగాణ రాజకీయ ఐక్యకార్యాచరణ సమితి వాయిదా వేసింది.

    ఊహా చిత్రాలు విడదల

    కాగా, అనుమానిత నిందితుల ఊహా చిత్రాలను కేంద్ర హోంశాఖ శుక్రవారం ఉదయం విడుదల చేసింది. ముజాహిద్దీన్‌కు చెందిన తహ్రీజ్, వసీక్‌ల చిత్రాలను కేంద్రం విడుదల చేసింది. వీరు పేలుళ్లకు పాల్పడినట్లుగా కేంద్రం హోంశాఖ అనుమానిస్తోంది.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    మరిన్ని హైదరాబాద్ వార్తలుView All

    English summary
    Telugudesam party chief Nara Chandrababu Naidu has blamed Congress government over Dilsukhnagar blasts.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more