• search

కసబ్‌లా ఉరే: షబ్బీర్, బొత్సకి చిన్నవిషయమా: రేవంత్

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Shabbir Ali - Revanth Reddy
    హైదరాబాద్: దిల్‌సుఖ్ నగర్ జంట పేలుళ్ల నిందితులకు అజ్మల్ కసబ్, అఫ్జల్ గురుల వలె సాధ్యమైనంత త్వరగా ఉరిశిక్ష విధించాలని మాజీ మంత్రి, కాంగ్రెసు పార్టీ సీనియర్ నేత షబ్బీర్ అలీ శుక్రవారం డిమాండ్ చేశారు. ఆసుపత్రిలో చికిత్స పొందుతున్న దిల్‌సుఖ్ నగర్ జంట పేలుళ్ల బాధితులను ఆయన ఉదయం పరామర్శించారు. ఈ సందర్భంగా ఆయన మీడియాతో మాట్లాడారు.

    ఈ ఘటనలో తమ జిల్లాకు చెందిన రజిత అనే ఎంబియే విద్యార్థిని, మధుసూదన్ రెడ్డి అనే వ్యక్తి గాయపడ్డారని, రజితకు కాలు తీసేశారని, మధుకు మేజర్ ఆపరేషన్ జరిగిందని చెప్పారు. వారిద్దరికి ఎలాంటి ప్రాణాపాయం లేదన్నారు. ఉగ్రవాదుల చర్యను తాను తీవ్రంగా ఖండిస్తున్నానని చెప్పారు. ఈ చర్యలకు పాల్పడిన వారిని వెంటనే గుర్తించి అరెస్టు చేయాలని, వారిని కసబ్, అఫ్జల్‌లా ఉరి తీయాలని ప్రభుత్వాన్ని డిమాండ్ చేశారు.

    కేంద్ర వైఫల్యం

    ఉగ్రవాదుల దాడిని తీవ్రంగా ఖండిస్తున్నట్లు బిజెపి జాతీయ అధ్యక్షుడు రాజ్ నాథ్ సింగ్ అన్నారు. సంఘటన ప్రాంతాన్ని పరిశీలించిన అనంతరం ఆయన పార్టీ రాష్ట్ర కార్యాలయంలో మీడియాతో మాట్లాడారు. బాధితులకు ప్రగాఢ సంతాపం తెలుపుతున్నానని, వారి పరిస్థితి దయనీయంగా ఉందన్నారు. కేంద్రం నుండి స్పష్టమైన సమాచారం లేనందువల్లనే పేలుళ్లు సంభవించాయన్నారు.

    పేలుళ్లకు హైదరాబాదు కేంద్ర బింధువవుతోందన్నారు. కేంద్ర హోంమంత్రి సుశీల్ కుమార్ షిండే ప్రకటన సరిగా లేదన్నారు. ఉగ్రవాదుల చర్యలను కేంద్రం సవాలుగా తీసుకోవడం లేదన్నారు. వరుస పేలుళ్లలో పాకిస్తాన్ ప్రమేయం ఉందని ఆయన ఆరోపించారు. కేంద్రం సీరియస్‌గా తీసుకోవాలని సూచించారు.

    అర్థం లేని దుర్మార్గం

    ఉగ్రవాదుల చర్య అర్థం లేని దుర్మార్గం అని కేంద్రమంత్రి జైపాల్ రెడ్డి అన్నారు. ఉగ్రవాదాన్ని పట్టుదలతో నిర్మూలించాలన్నారు. ఉగ్రవాద శక్తులను కేంద్రం అణిచివేసేందుకు తగిన చర్యలు తీసుకోవాలన్నారు. ఉగ్రవాదుల చర్యల వల్ల ఎవరికీ లాభం లేదన్నారు. ఈ ఘటనలో అధికార పార్టీని నిందించడం ప్రతిపక్షాలకు సులువే అన్నారు.

    చిన్న ఘటననా?

    పేలుళ్ల అంశాన్ని పిసిసి చీఫ్ బొత్స సత్యనారాయణ చిన్న ఘటనగా కొట్టి పారేయడాన్ని టిడిపి నేత రేవంత్ రెడ్డి తప్పు పట్టారు. ప్రభుత్వం మంచి అధికారులను లూప్ లైన్‌లో పెడుతోందని ఆరోపించారు.

    కాగా కేంద్రమంత్రి గులాం నబీ ఆజాద్ హైదరాబాద్ వచ్చారు. ఆయన పేలుడు సంఘటన ప్రాంతాన్ని పరిశీలిస్తారు.

    English summary
    Former Minister and Congress leader Shabbir Ali said on Friday that culprits of Dilsukhanagar bombblasts must hang like Ajmal Kasab

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more