• search

చాటింగ్‌ ప్రేమ: నలుగురితో అతను పెళ్లి, ఒకామె ఫిర్యాదు

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Hyderabad
    హైదరాబాద్: ఇంటర్నెట్ చాటింగ్‌తో పరిచయమై ప్రేమపేరుతో మోసం చేసి పెళ్లి చేసుకున్నాడని ఓ మహిళ సిఐడి పోలీసులను ఆశ్రయించింది. తనతో పాటు మరోముగ్గురు మహిళలను కూడా ఇదే తరహాలో మోసంచేసి తప్పించుకు తిరుగుతున్నాడని ఆమె ఫిర్యాదు చేసింది. ఆ నిత్య పెళ్లికొడుకుపై చర్య తీసుకోవాలని ఆ మహిళ పోలీసులను కోరింది. దీంతో హైదరాబాద్ సిఐడి పోలీసులు టెంపుల్ అల్వాల్‌లోని ఆ నిత్య పెళ్లికొడుకు ఇంట్లో సోదాలుచే నిర్వహించారు. అతని కోసం గాలిస్తున్నారు.

    ఆమె ఫిర్యాదు మేరకు వివరాలు ఇలా ఉన్నాయి - పూణెకు చెందిన సునీతా కుమారి సింగ్ (35)ను అల్వాల్‌కు చెందిన అనిల్‌కుమార్ ఇంటర్నెట్ చాటింగ్‌తో పరిచయమై 2009 నవంబర్ 5న సికింద్రాబాద్‌లోని మినర్వా హోటల్‌లో పెళ్లి చేసుకున్నారు. వరకట్నం కింద 15తులా ల బంగారం, రూ.2 లక్షల నగదును అనిల్‌కుమార్‌కు ఇచ్చారు. సునీత నగరంలోని ఓ కార్పొరేట్ పాఠశాలలో హిందీ టీచర్‌గా పని చేస్తున్నారు. అనిల్‌కుమార్ వృత్తిరీత్యా హైకోర్టు అడ్వొకేట్‌తోపాటు ఒడాఫోన్, నెస్లీ కంపెనీ డీలర్‌గానూ పనిచేస్తున్నారు.

    కొద్ది రో జులపాటు సవ్యంగా కాపురం చేసిన అనిల్‌కుమార్ ఆ తర్వాత భార్యను వేధించడం మొదలుపెట్టాడని, అయితే అంతకుముందే 1993లో భవానితో, 2002లో ఇందిర అనే మహిళతో వివాహం జరిగిందని, వారితో కాకుం డా జయలక్ష్మి అనే మరో మహిళతో కూడా అక్రమ సంబంధం కొనసాగిస్తున్నాడని ఆమె పోలీసులకు ఫిర్యాదు చేసింది.

    2012సెప్టెంబర్ 3న తన తమ్ముడు అమెరికాలో గ్రీన్‌కార్డు హోల్డరని, తనను రమ్మన్నాడని చెప్పి ఇంటినుంచి వెళ్లిన అనిల్‌కుమార్ ఇప్పటికీ రాలేదని ఆమె చెప్పింది. తనను ఇంట్లోనుంచి వెళ్లగొట్టడానికి మామ జానకిరాం, అత్త సులోచన, ఆడపడుచు అనిత తీవ్రంగా వేధించారని తెలిపింది. దీంతో సీఐడీ ఇన్‌స్పెక్టర్ శ్రీధర్ ఆధ్వర్యంలో పోలీసులు అల్వాల్‌కు వచ్చి మామ జానకిరాం, అత్త సులోచన, ఆడపడుచును అరెస్టుచేసి ఎల్‌బినగర్ కోర్టులో హాజరుపరిచారు. వారిపై సెక్షన్ 498ఎ, సెక్షన్ 417లను నమోదు చేశారు.

    English summary
    A woman has alleged that her husband Anil kumar has married another three woman. she made complaint against him to the Alwal police in Secunderabad.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more