వ్యవసాయ బడ్జెట్ ముఖ్యాంశాలు: బహిష్కరించిన టిడిపి

హైదరాబాద్: మంత్రి కన్నా లక్ష్మీ నారాయణ సోమవారం సభలో వ్యవసాయ బడ్జెట్ ప్రవేశ పెట్టారు. వ్యవసాయానికి తొలిసారి ప్రత్యేక బడ్జెట్ ప్రవేశ పెడుతున్నారు. ఆర్థిక బడ్జెట్‌ను ఆనం రామనారాయణ రెడ్డి ప్రవేశ పెట్టిన అనంతరం కన్నా లక్ష్మీ నారాయణ వ్యవసాయ బడ్జెట్‌ ఉప ప్రణాళికను ప్రవేశ పెట్టారు.

వ్యవసాయ బడ్జెట్ ప్రవేశ పెడుతున్నందుకు తాను సంతోషంగా ఉన్నానని కన్నా ఈ సందర్భంగా చెప్పారు. కన్నా ప్రసంగాన్ని ప్రతిపక్షాలు అడ్డుకుంటున్నప్పటికీ ఆయన తన ప్రసంగాన్ని చదువుకుంటూ వెళ్లారు. అన్నం పెట్టే రైతులకు ప్రభుత్వం ఎప్పుడూ అండగా ఉంటుందని చెప్పారు. వ్యవసాయ ఉప ప్రణాళిక చరిత్రలో నిలిచిపోతుందన్నారు.

వ్యవసాయ బడ్జెట్ ముఖ్యాంఖాలు

- రూ.25, 962తో వ్యవసాయ బడ్జెట్
- ప్రణాళికేతర వ్యయం - రూ.17,694 కోట్లు
- ప్రణాళికా వ్యయం - రూ.8267 కోట్లు
- ఈ ఏడాది వ్యవసాయ రుణాల లక్ష్యం రూ.72,450 కోట్లు
- వ్యవసాయ బడ్జెట్‌లో ప్రకృతి వైపరీత్యాలకు రూ.589 కోట్లు
- కనీస మద్దతు ధర లభించని పక్షంలో రైతులకు ఆలంబన నిధి రూ.100 కోట్లు
- వ్యవసాయ విద్యుత్ రాయితీ కోసం రూ.3,621 కోట్లు
- వర్షాధార వ్యవసాయ అభివృద్ధికి రూ.2,903 కోట్లు
- సోలార్ పంపు సెట్లకు రూ.150 కోట్లు
- వడ్డీ లేని పంట రుణాలకు రూ.500 కోట్లు
- వ్యవసాయ కనెక్షన్‌లకు నాణ్యమైన విద్యుత్ కోసం రూ.1154 కోట్లు
- వ్యవసాయ యాంత్రీకరణకు రూ.450 కోట్లు
- 82వేల టన్నుల ఆహార ధాన్యాల నిల్వకు రూ.42 కోట్లతో గోదాంల నిర్మాణం
- భూసార అభివృద్ధి, నిర్వహణకు రూ.2,309 కోట్లు
- జైకా సహకారంతో 16 జిల్లాల్లో 2.43 లక్షల వ్యవసాయ కనెక్షన్లు
- విత్తనాభివృద్ధికి రూ.308 కోట్లు
- రూ.లక్ష లోపు అయితే రైతులకు వడ్డీ లేని రుణాలు
- పంటల భీమాకు రూ.410 కోట్లు

English summary

Minister Kanna Laxmi Narayana has produced state agriculture budget sub plane today in Assembly.