• search

జానా పిటిషన్‍‌పై నిర్ణయం వాయిదా, అక్బర్‌ది 28న

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
     Jana Reddy
    హైదరాబాద్: పంచాయతీరాజ్ శాఖ మంత్రి జానా రెడ్డిపై ఆస్తుల పిటిషన్ విచారణార్హమా కాదా అనే విషయమపై రాష్ట్ర అత్యున్నత న్యాయస్థానం హైకోర్టు తీర్పును మంగళవారం రిజర్వ్‌లో ఉంచింది. కెకెఆర్ వెంచర్స్ ద్వారా జానా రెడ్డి అక్రమాలకు పాల్పడ్డారని, అక్రమాస్తులు కూడబెట్టుకున్నారని ఆరోపిస్తూ పిటిషనర్ దరఖాస్తు చేశారు.

    ఇది విచారణార్హమా లేదా అనే విషయంపై ఈ రోజు వాదనలు జరిగాయి. కోర్టు వాదనలు విన్నది. పిటిషన్ పైన విచారణకు అనుమతి ఇవ్వాలా లేదా అనే నిర్ణయాన్ని న్యాయస్థానం వాయిదా వేసింది. కాగా, ఇది ప్రజాప్రయోజనం కాదని ప్రభుత్వ న్యాయవాది కోర్టుకు తెలిపారు.

    ఈ కేసులో అడ్వోకేట్ జనరల్ ప్రభుత్వం తరఫున వాదనలు వినిపించారు. ఈ సందర్భంగా ఆయన మాట్లాడుతూ ప్రభుత్వ వ్యవస్థ విఫలమైందని చెప్పేందుకు తగిన ఆధారాలు లేవన్నారు. కాగా, మంత్రి హోదాలో జానా రెడ్డి అక్రమంగా ఆస్తులు సంపాదించారని ఆరోపిస్తూ పీపుల్స్ మూవ్‌మెంట్ ఎగైనెస్ట్ ఫైనాన్షియల్ క్రైమ్స్ హైకోర్టులో ప్రజాప్రయోజన వ్యాజ్యం దాఖలు చేసింది. కేసు వాదనల సందర్భంగా ఐటి శాఖను ప్రతివాదిగా చేర్చి నోటీసు జారీ చేయాలని పిటిషనర్ విజ్ఞప్తి చేశారు. కాగా, అలాగే జానా రెడ్డి ఆస్తుల కేసు విచారణను వేరే బెంచ్‌కు బదలీ చేయాలని హైకోర్టు ధర్మాసనం ఆదేశాలు జారీ చేసింది.

    అక్బరుద్దీన్ సభ్యత్వ రద్దు పిటిషన్ విచారణ వాయిదా

    మజ్లిస్ పార్టీ శాసనసభా పక్ష నేత అక్బరుద్దీన్ ఓవైసీ శాసనసభ్యత్వ రద్దు పిటిషన్ పైన విచారణను హైకోర్టు గురువారానికి వాయిదా వేసింది. వివాదాస్పద వ్యాఖ్యలు చేసిన అక్బర్ సభ్యత్వంతో పాటు మజ్లిస్ పార్టీని రద్దు చేయాలని జనార్ధన్ గౌడ్ అనే వ్యక్తి హైకోర్టులో పిటిషన్ దాఖలు చేశారు. దీనిపై విచారణను ఎల్లుండికి వాయిదా వేసింది.

    జగన్ ఆస్తుల కేసులో సిబిఐ ముందుకు పెన్నా ప్రతినిధులు

    వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి అక్రమాస్తుల కేసులో పెన్నా కంపెనీ ప్రతినిధులు మంగళవారం సెంట్రల్ బ్యూరో ఆఫ్ ఇన్వెస్టిగేషన్(సిబిఐ) ఎదుట హాజరయ్యారు. సిబిఐ అధికారులు పెన్నా ప్రతినిధులను విచారిస్తున్నారు.

    శ్రీలక్ష్మి బెయిల్ పిటిషన్ పైన..

    కర్నాటక మాజీ మంత్రి గాలి జనార్ధన్ రెడ్డికి చెందిన ఓబుళాపురం మైనింగ్ కార్పోరేషన్ కేసులో శ్రీలక్ష్మి బెయిల్ పిటిషన్ పైన నిర్ణయాన్ని సిబిఐ కోర్టు ఈ నెల 30వ తేదికి వాయిదా వేసింది.

    English summary
    Panchayatraj minister Jana Reddy's property case has adjourned by High Court of Andhra Pradesh.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more