• search

జగన్ కేసు: పెన్నా ప్రతాపరెడ్డిని విచారిస్తున్న సిబిఐ

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    YS Jagan
    హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్ ఆస్తుల కేసులో సిబిఐ అధికారులు పెన్నా సిమెంట్స్ అధినేత పెన్నా ప్రతాపరెడ్డిని విచారిస్తున్నారు. ఆయనను సిబిఐ అధికారులు శుక్రవారం విచారించారు. గత రెండు రోజులుగా ఆయనను విచారిస్తున్నారు. రేపు శనివారం కూడా పెన్నా ప్రతాపరెడ్డిని విచారించే అవకాశం ఉంది.

    వైయస్ జగన్‌కు చెందిన జగతి పబ్లికేషన్స్‌లో, భారతి సిమెంట్స్‌లో పెన్నా ప్రతాపరెడ్డి పెద్ద యెత్తున పెట్టుబడులు పెట్టినట్లు ఆరోపణలున్నాయి. ఇందుకు ప్రతిఫలంగా ఆయన రంగారెడ్డి, కర్నూలు జిల్లాల్లో ఆయన గనుల లీజును పొందినట్లు చెబుతున్నారు. రంగారెడ్డి జిల్లా తాండూరు వద్ద 1500 ఎకరాల సున్నంరాయి గనులను గత వైయస్ రాజశేఖర రెడ్డి ప్రభుత్వం పెన్నా ప్రతాపరెడ్డికి కేటాయించినట్లు ఆరోపణలు వచ్చాయి.

    పెన్నా ప్రతాపరెడ్డికి చెందిన పయనీర్ ఇన్‌ఫ్రా జగతి పబ్లికేషన్స్‌లో 20 కోట్ల రూపాయలు, పెన్నా సిమెంట్స్ గ్రూప్ 45 కోట్లు రూపాయలు, కార్మెల్ ఆసియా హోల్డింగ్స్‌లో 23 కోట్ల రూపాయలు పెట్టుబడులు పెట్టినట్లు ప్రతిపక్ష తెలుగుదేశం పార్టీ ఆరోపిస్తోంది. ప్రతాపరెడ్డి సంస్థలకు నీటి కేటాయింపులు కూడా వైయస్ ప్రభుత్వం జరిపినట్లు చెబుతున్నారు.

    వైయస్ రాజశేఖర రెడ్డి ఆత్మగా చెప్పుకునే కాంగ్రెసు పార్లమెంటు సభ్యుడు కెవిపి రామచందర్ రావును సిబిఐ అధికారులు ఇటీవల ప్రశ్నించారు. కెవిపి వైయస్ ప్రభుత్వంలో సలహాదారుగా పనిచేశారు. వైయస్ జగన్ ఆస్తుల కేసులో కెవిపిని సిబిఐ సాక్షిగానే విచారించింది. అయితే, దాదాపు ఎనిమిదిన్నర గంటల పాటు కెవిపిని సిబిఐ ప్రశ్నించింది.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    CBI has grilled Penna cements owner Penna Pratap Reddy in YSR Congress YS Jagan's DA case. The questioning pratap Reddy is going for 2 days.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more