• search

పెద్దిరెడ్డి ఏకాకి: వీరశివా, చిరుతో కల్సి వెళ్తా: రఘువీరా

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Veerasiva Reddy - Raghuveera Reddy
    కడప/అనంతపురం/హైదరాబాద్: పీలేరు శాసనసభ్యుడు పెద్దిరెడ్డి రామచంద్ర రెడ్డి కాంగ్రెసు పార్టీ నుండి వెళ్లిపోయి చిత్తూరు జిల్లాలో ఏకాకి అయిపోయాడని కడప జిల్లా కమలాపురం సీనియర్ కాంగ్రెసు శాసనసభ్యుడు వీరశివా రెడ్డి ఆదివారం అన్నారు. తాము 2014లో ముఖ్యమంత్రి కిరణ్ కుమార్ రెడ్డి నాయకత్వంలోనే అధికారంలోకి వస్తామని ఆయన ధీమా వ్యక్తం చేశారు. సమైక్య రాష్ట్రంలోనే కాంగ్రెసు మరోసారి అధికార పగ్గాలు చేపడుతుందన్నారు.

    ప్రతిపక్షాలు చెప్పినట్లుగా రాష్ట్రంలో విద్యుత్ లేక ఎక్కడా ఎకరం పొలం ఎండలేదని ఆయన అన్నారు. విద్యుత్ లేక పొలం ఎండిందని విపక్షాలు చెప్పడం సరికాదన్నారు. బోర్లలలో నీళ్లు లేక పంటపొలాలు ఎండిపోతున్నాయని ఆయన అభిప్రాయపడ్డారు. విద్యుత్ లేక మాత్రం కాదన్నారు.

    చిరుతో కలిసి ప్రచారం చేస్తా: రఘువీరా

    త్వరలో కర్నాటకలో జరుగనున్న సాధారణ ఎన్నికల్లో తాను కాంగ్రెసు పార్టీ తరఫున ప్రచారం చేస్తానని మంత్రి రఘువీరా రెడ్డి వేరుగా చెప్పారు. కేంద్ర పర్యాటక శాఖ మంత్రి చిరంజీవితో కలిసి తాను ప్రచారంలో పాల్గొంటానని ఆయన చెప్పారు. కర్నాటకలో తమకు సానుకూల పవనాలు వీస్తున్నాయన్నారు. సామాన్యులపై విద్యుత్ భారం పడకుండా ఉండేలా తమ ప్రభుత్వం పునరాలోచిస్తుందని ఆయన చెప్పారు.

    ఎమ్మెల్సీగా ప్రమాణ స్వీకారం

    శాసనమండలి సభ్యుడిగా కాంగ్రెసు నేత పొంగులేటి సుధాకర్ రెడ్డి ఆదివారం ప్రమాణ స్వీకారం చేశారు. విద్యుత్ ఛార్జీల పెంపు బాధాకరమని, తప్పనిసరి పరిస్థితుల్లో ప్రభుత్వం ఈ నిర్ణయం తీసుకుందని ఆయన ఈ సందర్భంగా అన్నారు. ముఖ్యమంత్రి కిరణ్ కుమార్ రెడ్డి ప్రజలపై భారం తగ్గేలా ఆలోచించాలని కోరారు. పొంగులేటితో పాటు పూల రవీందర్, గాదె శ్రీనివాసులు, బొడ్డు నాగేశ్వర రావు, కోలగట్ల వీరభద్ర స్వామి, లక్ష్మీ శివకుమారి, సంతోష్ కుమార్, శమంతకమణిలు కూడా ప్రమాణ స్వీకారం చేశారు.

    English summary
    Kadapa district Kamalapuram MLA Peddireddy Ramachandra Reddy said on Sunday that no one with Punganuru MLA Peddireddy Ramachandra Reddy now.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more