• search

టిడిపి ఓడింది... మాలో భయం: చిరంజీవి వర్గం మంత్రి

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    C Ramachandraiah
    హైదరాబాద్: విద్యుత్ ఛార్జీల పెంపుపై కిరణ్ కుమార్ రెడ్డి ప్రభుత్వంపై స్వపక్షం నుండే విమర్శల వాన కురుస్తున్న విషయం తెలిసిందే. తాజాగా దేవాదాయ శాఖ మంత్రి సి.రామచంద్రయ్య ఛార్జీల పెంపుపై మండిపడ్డారు. విద్యుత్ ఛార్జీల పెంపుపై ఏకపక్ష నిర్ణయాలు తగవని ఆయన అన్నారు. నిర్ణయం తీసుకునే ముందు పార్టీలో అందరితో చర్చించి ఉంటే బాగుండేదని ఆయన అభిప్రాయపడ్డారు.

    సమన్వయ కమిటీ ఉద్దేశం నెరవేరడం లేదని, పెంపును సమర్థించుకునేందుకు మాటలు చెబితే సరిపోదన్నారు. ప్రజలు వాటిని ఎలా నమ్ముతారని ప్రశ్నించారు. ప్రభుత్వానికి తెలియకుండానే ఈఆర్సీ నిర్ణయం వెలువరుస్తుందా? అని ఆయన ప్రశ్నించారు. 2004లో తెలుగుదేశం పార్టీ కూడా ఇలాగే అధికారం కోల్పోయిందని ఆయన గుర్తు చేశారు. ఇప్పుడు తమకు కూడా అదే భయం పట్టుకుందన్నారు. 2014 ఎన్నికల్లో కాంగ్రెసు గెలవడం కష్టమే అన్నారు.

    ముఖ్యమంత్రికి సలహాలు ఇచ్చినా రాజకీయ కోణంలో చూస్తారని ఎద్దేవా చేశారు. చెప్పిన మాట వినకుంటే చంద్రబాబు నాయుడుకు పట్టిన గతే పడుతుందన్నారు. విద్యుత్ ఛార్జీలు పెంచితే స్థానిక సంస్థల ఎన్నికల్లో జనం ముందుకు వెళ్లి ఎలా ఓట్లు అడగాలని ఆయన ప్రశ్నించారు. విద్యుత్ భారం పేద ప్రజలపై పడకుండా చర్యలు తీసుకోవాలని ఆయన సూచించారు.

    విద్యుత్ చార్జీల పెంపు నిర్ణయంపై చర్చించాలని ముఖ్యమంత్రి కిరణ్ కుమార్ రెడ్డి, ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణలకు ఇంతకు ముందే లేఖలు రాసినట్లు చెప్పారు. ఈఆర్‌సీ ఎంత స్వాతంత్ర సంస్థ అయినా ప్రభుత్వం అనుమతిలేకుండా నిర్ణయం తీసుకోలేదని ఆయన వెల్లడించారు. చార్జీల పెంపుతో వ్యక్తుల భవిష్యత్‌నే కాదు కాంగ్రెస్ భవిష్యత్‌ను ప్రమాదంలోకి నెట్టారని మంత్రి రామచంద్రయ్య విమర్శించారు.

    కాగా, విద్యుత్ ఛార్జీల పెంపు పైన కేంద్రమంత్రి చిరంజీవి, రాజ్యసభ సభ్యుడు వి హనుమంత రావులు అసంతృప్తి వ్యక్తం చేసిన విషయం తెలిసిందే. చిరంజీవి రాష్ట్ర కాంగ్రెస్ వ్యవహారాల ఇన్‌చార్జి గులాంనబీ ఆజాద్‌కు లేఖ రాశారు. విద్యుత్ సమస్య, చార్జీల పెంపు అంశంపై చర్చించేందుకు సత్వరమే 'సమన్వయ కమిటీ' సమావేశం ఏర్పాటు చేయాలని చిరంజీవి డిమాండ్ చేశారు. ఎన్నికల ఏడాదిలో ఇంత భారీ ఎత్తున చార్జీలు పెంచడం వల్ల తీవ్ర ప్రతికూల ప్రభావం ఉంటుందని చిరంజీవి తన లేఖలో ఆందోళన వ్యక్తం చేసిన విషయం తెలిసిందే.

    English summary
    CM Kiran kumar Reddy is facing opposition from his own Congress party on hike in the power taarif. Minister C Ramachandraiah expressed unhappy with the increase of power taarif.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more