• search

సీనియర్ ఎమ్మెల్యేల ప్లాన్: కొడుకులకు అసెంబ్లీ టికెట్లు

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Gade Venkat Reddy-Jana Reddy-JC Diwakar Reddy
    హైదరాబాద్: కాంగ్రెసు సీనియర్ శానససభ్యులు, మంత్రులు కొంత మంది వచ్చే ఎన్నికల్లో శానససభకు పోటీ చేయడానికి విముఖత ప్రదర్శిస్తున్నారు. రాజకీయాల నుంచి తప్పుకోవాలని కొంత మంది ఆలోచన చేస్తుంటే, కొంత మంది లోకసభకు పోటీ చేయాలని ప్రణాళిక వేసుకుంటున్నారు. దీంతో తమ కుమారులకు, సమీప బంధువులకు అసెంబ్లీ టికెట్లు ఇప్పించుకోవడానికి ఇప్పటి నుంచి లాబీయింగ్ ప్రారంభించారు.

    గుంటూరు జిల్లా బాపట్ల శానససభ్యుడు గాదె వెంకటరెడ్డి రాజకీయాల నుంచి తప్పుకోవాలని చూస్తున్నారు. తన పెద్ద కుమారుడు మధుసూదన్ రెడ్డికి పార్టీ కార్యకర్తలకు ఆయన ఆ విషయం చెప్పారు. బాపట్ల నుంచి తన స్థానంలో పోటీ చేయాలని తన కుమారుడికి ఆయన సూచిస్తున్నారు.

    అనంతపురం జిల్లా తాడిపత్రి కాంగ్రెసు శాసనసభ్యుడు జెసి దివాకర్ రెడ్డి కూడా వచ్చే ఎన్నికల్లో తాను పోటీ చేయబోనని తన కుటుంబ సభ్యులకు చెప్పారు. తాడిపత్రి నుంచి తన కుమారుడు పవన్ గానీ, సోదరుడు జెసి దివాకర్ రెడ్డి గానీ పోటీ చేయాలని ఆయన సూచిస్తున్నారు. కానీ వారిద్దరు కూడా అందుకు సుముఖత వ్యక్తం చేయడం లేదని అంటున్నారు.

    తన ఆరోగ్యం సహకరించడం లేదని, తాను రాజకీయాల నుంచి తప్పుకోవాలని అనుకుంటున్నానని గాదె వెంకటరెడ్డి సిఎల్పీ కార్యాలయంలో ఇటీవల మీడియా ప్రతినిధులతో అన్నారు. తన నిర్ణయంపై, తన కుమారుడిని పోటీకి దించితే రాగల ఫలితాలపై ప్రజాభిప్రాయం తెలుసుకుని తనకు తెలియజేయాలని ఆయన బాపట్ల నాయకులకు సూచించారు.

    వచ్చే ఎన్నికల్లో తాను పోటీ చేయడం లేదని రాష్ట్ర పంచాయతీరాజ్ శాఖ మంత్రి కె. జానా రెడ్డి చాలా క్రితమే ప్రకటించారు. మంత్రులు వట్టి వసంతకుమార్, కాసు కృష్ణారెడ్డి, గంటా శ్రీనివాస రావు వచ్చే ఎన్నికల్లో లోకసభకు పోటీ చేయాలని అనుకుంటున్నారు. వారితో పాటు మరికొంత మంది మంత్రులు కూడా లోకసభకు పోటీ చేయాలనే ఉద్దేశంతో ఉన్నారు. తమ సంతానాలను అసెంబ్లీ బరిలోకి దింపి తాము లోకసభకు వెళ్లే ఆలోచనలో వారు ఉన్నట్లు చెబుతున్నారు.

    English summary
    Congress senior MLAs have planned to exit from politics and started lobbying to get tickets for sons and relatives.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more