• search

విలువల్లేవు, రిజైన్ వెనక్కి: కావూరి, కెసిఆర్‍పై ఎద్దేవా

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Kavuri Sambasiva Rao
    న్యూఢిల్లీ: తన రాజీనామాను ఉపసంహరించుకున్నానని, ఇక తాను కాంగ్రెసు పార్టీలోనే కొనసాగుతానని ఏలూరు పార్లమెంటు సభ్యుడు కావూరి సాంబశివ రావు గురువారం చెప్పారు. ఎంపి పదవిసి, సమన్వయ కమిటీ, పార్లమెంటు స్టాండింగ్ కమిటీలకు తాను చేసిన రాజీనామాలను ఉపసంహరించుకున్నానని ఆయన అన్నారు. ప్రస్తత రాజకీయాల్లో నైతిక విలువలు పడిపోయాయని ఆవేదన వ్యక్తం చేశారు.

    వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి అక్రమాస్తుల కేసులో సిబిఐ దాఖలు చేసిన తాజా చార్జిషీటులో హోంమంత్రి సబితా ఇంద్రా రెడ్డి పేరు ఉండడం పార్టీకి కొంత ఇబ్బంది కలిగించే విషయమేనన్నారు. గతంలో మంత్రి ధర్మాన ప్రసాద రావు విషయంలో ఎలా వ్యవహరించారో సబిత విషయంలోనూ అలాగే వ్యవహరించే అవకాశముందన్నారు. గతంలో రైలు ప్రమాదానికి నైతిక బాధ్యత వహిస్తూ లాల్ బహదూర్ శాస్త్రి రాజీనామా చేసిన విషయాన్ని గుర్తు చేసిన కావూరి ఇప్పట్లో అలాంటి నేతలు ఎక్కడున్నారని ప్రశ్నించారు.

    రాష్ట్రంలోని విద్యుత్ సమస్యకు ప్రణాళిక, చిత్తశుద్ధి లోపించడమే అన్నారు. తెలంగాణకు దివంగత ప్రధానులు జవహర్ లాల్ నెహ్రూ, ఇందిర గాంధీలే అన్యాయం చేశారన్న తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు వ్యాఖ్యలపై స్పందిస్తూ... ఏం మాట్లాడినా ఆయనకే చెల్లుతుందన్నారు. తమ పార్టీ అధ్యక్షురాలు సోనియా గాంధీ దేవత అని, ఆమె ఒక్కరే తెలంగాణ ఇవ్వగలరని, కాంగ్రెస్‌ను బలోపేతం చేయాల్సిన అవసరం ఉందని కూడా కెసిఆర్ గతంలో చెప్పారన్నారు.

    తెలుగు నేల మీద ఉన్న వారంతా కలిసి ఉండాలన్న ఉద్దేశంతోనే తెలంగాణపై కేంద్రం నిర్ణయం తీసుకోవడం లేదేమోనని ఆయన అభిప్రాయపడ్డారు. కాగా, ఇటీవల విదేశాల్లో పర్యటించిన కావూరు ఆయా దేశాల్లో ప్రభుత్వం కల్పిస్తున్న ఉచిత ఇళ్ల పథకంపై ప్రత్యేక అధ్యయనం చేశారు. పేదలకు ఉచిత ఇళ్లను కల్పించడం వల్ల ప్రభుత్వానికే ఏడాదికి సుమారు రూ.45వేల కోట్ల ఆదాయం వచ్చే పథకాన్ని సూచిస్తూ ప్రధాని మన్మోహన్ సింగ్, సోనియా గాంధీలకు కావూరు లేఖ రాశారు. ప్రణాళికాసంఘం డిప్యూటీ ఛైర్మన్ మాంటెక్‌సింగ్ అహ్లువాలియాకు, రాహుల్‌గాంధీలకు కూడా ఈ లేఖ ప్రతిని పంపారు.

    English summary
    
 Eluru Congress MP Kavuri Sambasiva Rao has said that he withdrew his resignation letter that he had submitted to the Lok Sabha speaker.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more