1984 ఊచకోత: సజ్జన్‌కు ఊరట, జడ్జి పైకి చెప్పు

న్యూఢిల్లీ: 1984 సిక్కు వ్యతిరేక అల్లర్ల కేసులో కాంగ్రెసు పార్టీ సీనియర్ నేత సజ్జన్ కుమార్‌కు మంగళవారం ఊరట లభించింది. ఈ కేసులో సజ్జన్ కుమార్‌ను నిర్దోషిగా న్యూఢిల్లీలోని సిబిఐ ప్రత్యేక కోర్టు తీర్పు చెప్పింది. న్యాయస్థానం ఆయనను నిర్దోషిగా ప్రకటించింది.

ఈ కేసులో సజ్జన్ కుమార్‌తో పాటు మరో ఐదుగురిని న్యాయస్థానం గతంలో నిందితులుగా పేర్కొంది. దీనిపై విచారణ జరిపిన కోర్టు సజ్జన్ కుమార్‌ను నిర్దోషిగా ప్రకటించింది. మిగిలిన ఐదుగురిని దోషులుగా చెప్పింది. వారికి మరణ శిక్ష పడే అవకాశాలు ఉన్నాయి.

న్యాయమూర్తి సజ్జన్ కుమార్‌ను నిర్దోషిగా ప్రకటించగానే ఓ వ్యక్తి ఆగ్రహం వ్యక్తం చేస్తూ న్యాయమూర్తి పైకి చెప్పు విసిరాడు. కోర్టు తీర్పుపై సిక్కులు తీవ్ర అసంతృప్తి వ్యక్తం చేస్తున్నారు. న్యాయస్థానం ఎదుటకు పెద్ద మొత్తంలో వచ్చిన సిక్కులు ఆందోళన చేపట్టారు. కోర్టు తీర్పు సరిగా లేదని ఆక్షేపించారు.

English summary

A special CBI court in New Delhi acquitted Congress leader Sajjan Kumar in connection with 1984 anti-Sikh riot case. The court verdict enraged Sikh groups who protested outside court premises in the national capital. According to sources, angry protesters hurled shoes at the judge.