పిక్చర్స్: చిరు ఉన్నా, సోనియా సభలో కుర్చీలు ఖాళీ

By Pratap

Published: Friday, May 3, 2013, 16:51 [IST]

బెంగళూర్: శానససభ ఎన్నికల్లో తమ పార్టీని గెలిపించడానికి కాంగ్రెసు అధ్యక్షురాలు సోనియా గాంధీ గురువారంనాడు కర్ణాటక రాజధాని బెంగళూర్ వచ్చారు. ఈ నెల 5వ తేదీ ఆదివారం కర్ణాటక శాసనసభ ఎన్నికల పోలింగ్ జరనున్న విషయం తెలిసిందే. అయితే, సోనియా సభకు ప్రజలు ముఖం చాటేసినట్లు కనిపించారు.

బెంగళూర్‌లోని ప్యాలెస్ గ్రౌండ్‌లో సోనియా బహిరంగ సభ ఏర్పాటైంది. లక్ష మంది ఆ మైదానంలో పడుతారు. అయితే, సోనియా సభకు మైదానం నిండలేదు. చాలా కుర్చీలు ఖాళీగా కనిపించాయి. ఈ సంఘటన నుంచి గుణపాఠం తీసుకోవాలని కాంగ్రెసు నాయకులు భావిస్తున్నారు. దాన్ని వారు ప్రజల హెచ్చరికగా భావించి ఆందోళనకు గురవుతున్నారు.

వచ్చే శానససభ ఎన్నికల్లో కాంగ్రెసు పార్టీ విజయం సాధిస్తుందని సర్వేలు తెలియజేస్తున్నాయి. రాజకీయ నిపుణులు కూడా అదే అంచనా వేస్తున్నారు. ప్రజలు బిజెపి పాలనతో విసిగిపోయారని, కాంగ్రెసు పార్టీని గెలిపించడానికి సిద్ధపడ్డారని అంటున్నారు. అయితే, కాంగ్రెసు అధ్యక్షురాలు సోనియా గాంధీ సభకు ప్రజలు పెద్ద యెత్తున రాకపోవడంపై కాంగ్రెసు నాయకులు ఆందోళనకు గురవుతున్నారు. అందుకు ఎండలను వారు సాకుగా చూపుతున్నారు.

పిక్చర్స్: చిరు ఉన్నా, సోనియా సభలో కుర్చీలు ఖాళీ

బెంగళూర్ పర్యటన సందర్భంగా పార్టీ కర్ణాటక ఇంచార్జీతో సోనియా గాంధీ మాట్లాడుతూ కనిపించారు. ఆమె ఎన్నికల ప్రచారం కోసం గురువారం బెంగళూర్ వచ్చారు. సభలో ఖాళీ కుర్చీలపై ఆరా తీస్తున్నారా అనేట్లు అలా..