• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బాబు, కెసిఆర్‌లకు షాక్: మర్రి గుడ్‌బై, రాజయ్య వెనక్కి

By Srinivas
|

Chandrababu Naidu - K Chandrasekhar Rao
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడుకు మహబూబ్ నగర్ జిల్లాలో షాక్ తగలగా, తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుకు వరంగల్ జిల్లాలో రివర్స్ అయింది. పాలమూరు జిల్లాకు చెందిన టిడిపి సీనియర్ నేత, నాగర్‌కర్నూలు ఇంఛార్జ్ మర్రి జనార్ధన్ రెడ్డి తెలుగుదేశం పార్టీకి రాజీనామా చేయగా, తెరాసలో చేరుతారని నిన్నటి వరకు భావించిన వరంగల్ పార్లమెంటు సభ్యుడు రాజయ్య వెనక్కి తగ్గారు.

తెలంగాణపై టిడిపిలో స్పష్టత లేదని భావించిన మర్రి జనార్ధన్ రెడ్డి ఈ రోజు ఫ్యాక్స్ ద్వారా చంద్రబాబుకు రాజీనామా లేఖను పంపించారు. ఆయన గత కొన్నాళ్లుగా నాగర్ కర్నూలు ఎమ్మెల్యే నాగం జనార్ధన్ రెడ్డితో టచ్‌లో ఉంటున్నారు. దీంతో అతను భారతీయ జనతా పార్టీలో చేరే అవకాశాలు కనిపిస్తున్నాయి. ఈ నెల 3వ తేదిన నాగంతో పాటు నిజాం కళాశాల మైదానంలో జరిగే బిజెపి బహిరంగ సభలో ఆ పార్టీలో చేరే అవకాశాలు ఉన్నాయి.

రాజయ్య వెనక్కి

కాంగ్రెసు పార్టీ తెలంగాణపై స్పష్టత ఇవ్వకపోవడంతో తెరాసలోకి చేరుతారని భావిస్తున్న వరంగల్ ఎంపీ రాజయ్య ఇప్పుడు వెనక్కి తగ్గారు. తనకు వరంగల్ పార్లమెంటు సీటు పైన కెసిఆర్ హామీ ఇవ్వనందువల్లే ఆయన వెనక్కి తగ్గినట్లుగా తెలుస్తోంది. ఇప్పటికే టిడిపి నుండి చేరిన కడియం శ్రీహరికి వరంగల్ పార్లమెంటు స్థానంపై హామీ ఇచ్చారు. మానకొండూరు సీటు కోసం పలువురు పోటీలో ఉన్నారు.

ఈ నేపథ్యంలో రాజయ్యకు కెసిఆర్ నుండి హామీ రాలేదని సమాచారం. దీంతో తెరాసలోకి వెళ్తే వచ్చేదేమీ లేదని భావించిన రాజయ్య కాంగ్రెసులోనే ఉండిపోవాలని నిర్ణయించుకున్నట్లుగా తెలుస్తోంది. మిగతా ఇద్దరు ఎంపీలు వివేక్, మంద జగన్నాథంలకు మాత్రం హామీ వచ్చినందున వారు తెరాస తీర్థం పుచ్చుకోనున్నారు.

English summary

 Telugudesam Party Nagarkurnool incharge Marri Janardhan Reddy has sent his resignation to chief Nara Chandrababu Naidu on Thursday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X