• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చలో అసెంబ్లీకి అనుమతి అసాధ్యం: అనురాగ్ శర్మ

By Pratap
|

Assembly
హైదరాబాద్: తెలంగాణ జెఎసి ఈ నెల 14వ తేదీన తలపెట్టిన చలో అసెంబ్లీ కార్యక్రమానికి అనుమతి ఇవ్వడం సాధ్యం కాదని హైదరాబాద్ పోలీసు కమిషనర్ అనురాగ్ శర్మ స్పష్టం చేశారు. శానససభా సమావేశాలు జరుగుతున్నాయని, ప్రస్తుత శాంతిభద్రత సమస్య దృష్ట్యా అనుమతి ఇవ్వడం కుదరదని ఆయన బుధవారం మీడియా ప్రతినిధుల సమావేశంలో చెప్పారు. సాగరహారం, మిలీనియం మార్చ్‌లకు అనుమతి ఇచ్చామని, అయితే హింస చెలరేగిందని, అందువల్ల చలో అసెంబ్లీకి అనుమతి ఇవ్వడం లేదని ఆయ అన్నారు.

గతంలో కూడా ప్రశాంతంగా నిర్వహిస్తామని చెప్పారని, దాంతో అనుమతి ఇచ్చామని, కానీ హింస జరిగిందని ఆయన అన్నారు. అయితే, ప్రజాస్వామ్య పద్ధతిలో నిర్వహించే కార్యక్రమాలకు తాము అనుమతి ఇవ్వబోమని తాను చెప్పడం లేదని, తెలంగాణ రాష్ట్ర సమితి, బిజెపిలు నిజాం కళాశాల మైదానంలో నిర్వహించిన సభలకు తాము అనుమతి ఇచ్చామని ఆయన అన్నారు. ప్రజాస్వామ్య ప్రక్రియను తాము అడ్డుకోవడం లేదని అన్నారు.

చలో అసెంబ్లీ కార్యక్రమంలో అసాంఘిక శక్తులు చొరబడే ప్రమాదం ఉందని, మిలిటెంట్‌గా చలో అసెంబ్లీ నిర్వహిస్తామని కూడా ప్రకటించారని, ఈ దృష్ట్యా తాము అన్ని ముందు జాగ్రత్త చర్యలు తీసుకుంటున్నామని ఆయన చెప్పారు. హైదరాబాద్ శివారుల్లో 17 చెక్ పోస్టులు ఏర్పాటు చేస్తున్నట్లు చెప్పారు. అసెంబ్లీ వైపు వస్తే నిలిపేస్తామని అన్నారు. వైన్ షాపులు, బార్లు కూడా మూసి ఉంటాయని ఆయన అన్నారు. కేంద్ర బలగాలు కూడా వస్తున్నాయని, బయటి నుంచి బలగాలను రప్పించామని అన్నారు.

తమ విధులు నిర్వహించడానికి తాము సిద్దంగా ఉన్నామని, చట్టాన్ని ఉల్లంఘిస్తే కఠిన చర్యలు తీసుకుంటామని, 144వ సెక్షన్ విధించామని అనురాగ్ శర్మ చెప్పారు. ప్రధాన కూడళ్లలో, వీధుల్లో కెమెరాలు ఏర్పాటు చేస్తున్నామని చెప్పారు. చలో అసెంబ్లీ కార్యక్రమంలో విద్యార్థులు, ప్రభుత్వ ఉద్యోగులు కూడా పాల్గొంటారనే సమాచారం ఉందని, వారికి భవిష్యత్తులో సమస్య తలెత్తవచ్చునని ఆయన అన్నారు. ఉస్మానియా విశ్వవిద్యాలయంలో విద్యార్థులు పోలీసులపైకి రాళ్లు రువ్వారని, పోలీసులు రెండు విడతలు బాష్పవాయు ప్రయోగం చేశారని ఆయన చెప్పారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Hyderabad police commissioner Anurag Sharma said that permission will not be given to Chalo assembly, proposed by Telangana JAC on June 14.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more