నలుగురు అమ్మాయిలపై ఇరవై మంది దాష్టీకం

By Srinivas

Updated: Monday, July 15, 2013, 16:47 [IST]

రాంచీ: జార్ఖండ్ రాష్ట్రంలో దారుణం జరిగింది. పాకూర్ జిల్లాలో గత రాత్రి నలుగురు మైనర్ బాలికలపై ఇరవై మంది సామూహిక అత్యాచారానికి పాల్పడ్డారు. మైనర్ బాలికల పైన ఇరవై మంది కలిసి సామూహిక అత్యాచారం చేశారని గ్రామస్థులు ఫిర్యాదు చేశారు.

విషయం తెలియగానే జిల్లా ఎస్పీ రమేష్ గ్రామానికి వెళ్లి ప్రజలతో మాట్లాడారు. ఈ దుశ్చర్యకు పడ్డ వారి పైన చర్యలు తీసుకుంటామని, గ్రామస్థులు సహకరించారని కోరారు. వారిని పట్టించేందుకు తాము సహకరిస్తామని గ్రామస్థులు హామీ ఇచ్చారు.

బాధిత బాలికలను వైద్య పరీక్షల నిమిత్తం ఆసుపత్రికి తరలించారు. ఈ ఘటన లితిపరీ పోలీసు స్టేషన్ పరిధిలో జరిగింది. అమ్మాయిలపై అఘాయిత్యానికి పాల్పడిన అనంతరం ఇరవై మంది నిందితులు అక్కడి నుండి పారిపోయారు.

కాగా ఢిల్లీలో గతేడాది డిసెంబర్ నెలలో ఓ అమ్మాయి సామూహిక అత్యాచారానికి గురైంది. ఆ ఘటనపై దేశవ్యాప్తంగా నిరసనలు వెల్లువెత్తాయి. ఆమె చికిత్స పొందుతూ మృతి చెందింది. ఓ వైపు అత్యాచారాల పైన నిరసనలు వెల్లువెత్తుతున్నా, ఘటనలు మాత్రం తగ్గటం లేదు.