• search

రెండుగా చీలిపోయిన భూమి...తీవ్ర భయాందోళనలతో స్థానికులు:గుంటూరు జిల్లాలో విచిత్రం

Posted By:
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    గుంటూరు: అవును!...అక్కడ భూమి రెండుగా చీలిపోయింది. అడ్డంగా...భూమిని రెండుగా వేరు చేస్తూ...అలా ఏ పదో ఇరవయ్యో మీటర్లు కాదు...దాదాపు నాలుగు అడుగుల వెడల్పు...పది అడుగుల లోతుతో...సుమారు 500 మీటర్ల మేరా భూమి రెండుగా విడిపోయింది.

    గుంటూరు జిల్లా వెల్దుర్తి మండలం బోదలవీడు గ్రామంలో మంత్రపు వాగు సమీపంలో శనివారం తొలి ఝాములో ఈ ఘటన చోటుచేసుకున్నట్లు తెలుస్తోంది. ఉదయం లేచేసరికి భూమి లోతుగా రెండుగా చీలి ఉండటంతో స్థానికులు దిగ్భ్రాంతి చెందారు. పైగా మంత్రపు వాగు సమీపంలోనే ఈ సంఘటన చోటుచేసుకోవడంతో గ్రామస్తులు ఆశ్చర్యంగా చర్చించుకుంటున్నారు. ముందు ముందు ఏం ముప్పు ముంచుకురానుందోనని భయాందోళనలతో వణికిపోతున్నారు.

    సహజంగా భూమి బీటలు వాడటం...నెర్రలు వారడం...పొలాల్లో చూస్తూనే ఉంటాం...ఇవి భూమిపై చిన్న చీలికలుగా ఏర్పడి...సన్నటి గీతల్లా కనిపిస్తుంటాయి. అయితే ఈ చీలిక మనిషి అవలీలగా అమాంతం లోపలికి పడిపోయేంత వెడల్పు-లోతుతో అరకిలోమీటర్ మేరా ఏర్పడితే...ఆ దృశ్యం చూడ్డానికే ఎవరికైనా భయానకంగా ఉంటుంది.

    A giant crack appeared in the ground in Andhra Pradesh, seemingly overnight

    గుంటూరు జిల్లా బోదలవీడు గ్రామంలో చోటు చేసుకున్న ఈ పరిణామం చూసి గ్రామస్థులు భయంతో వణికి పోతుండగా...పర్యావరణవేత్తలు కూడా ఆశ్చర్యపోతున్నారు. సాధారణంలో భూమి పొరల్లో చిన్న చిన్న పగుళ్లు సహజమే కాని...ఇంత భారీ స్థాయిలో చీలిక అధ్యయనం చేయాల్సిందేనంటున్నారు.

    మరోవైపు ఈ ఘటన చోటుచేసుకోవడంపై స్థానికంగానే కాక చుట్టుప్రక్కల గ్రామాల ప్రజలు కూడా ఆందోళన చెందుతున్నారు. మరోవైపు ఈ సంఘటనకు సంబంధించి అప్పుడే వదంతులు, కథలు కథలు ప్రచారం జరుగుతున్నాయి. భూకంపం రోబోతుందంటూ కొందరు ప్రచారం ప్రారంభించారు. ఇక్కడ భూమి ఇలా చీలిపోవడంపై శాస్త్రజ్ఞులు పరిశీలించి కారణం తెలియజేస్తే బావుంటుందని స్థానిక విద్యావంతులు కోరుతున్నారు.

    English summary
    A giant crack in the Earth opened up almost overnight, 10 feet deep and at its widest 500 metres long, slicing through a field and terrifying many who live in an area just Guntur district, Andhra Pradesh.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more