తరచూ కూల్డ్రింక్లో మత్తుమందు ఇచ్చి మామ రేప్: గర్భం దాల్చిన బాలిక
నెల్లూరు: నగరంలోని నక్కలొల్ల సెంటర్లో దారుణ ఘటన చోటు చేసుకుంది. కామంతో కళ్లు మూసుకుపోయి ఓ బాలికపై వరుసకు మామ అయ్యే వ్యక్తి అత్యాచారం చేశాడు. తరచూ బాలికకు కూల్డ్రింక్స్లో మత్తు మందు ఇచ్చి అత్యాచారానికి పాల్పడ్డాడు.
దీంతో బాలిక గర్భం దాల్చింది. బాలిక బంధువులు పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేస్తున్నారు.
అనుమానంతో భార్యను హతమార్చిన భర్త
ప్రకాశం జిల్లాలోని చినగంజాం మండలం కొత్తపాలెం పంచాయతీ మాలపల్లెలో అనుమానంతో ఓ వ్యక్తి తన భార్యను హతమార్చాడు. ఆ తర్వాత పోలీసుల ఎదుట లొంగిపోయాడు. పోలీసులు కేసును దర్యాప్తు చేస్తున్నారు.
కాల్వలోకి దూసుకెళ్లిన కారు: ఒకరి మృతి
గుంటూరు: వేగంగా వచ్చిన కారు కాల్వలోకి దూసుకెళ్లింది. ఈ ఘటన గుంటూరు జిల్లాలో జరిగింది. పలువురు విద్యార్థులు మద్యం మత్తులో వేగంగా కారు నడిపడం వల్లే ఈ ప్రమాదం చోటు చేసుకుంది.
తెనాలి మండలం సంగం జాగర్లమూడి వద్ద ఓ కారు కాల్వలోకి దూసుకెళ్లగా ఓ యువకుడు మరణించాడు. మరో నలుగురు యువకులు స్వల్ప గాయాలతో క్షేమంగా బయటపడ్డారు. మద్యం మత్తులో కారు నడిపారని పోలీసులు చెప్పారు. కారులో ఉన్న వారు స్థానిక యూనివర్శిటీ విద్యార్థులని పోలీసులు చెప్పారు.