మరోసారి హస్తినకు సీఎం చంద్రబాబు.. షెడ్యూల్, కారణం ఇవే ??

ఆంధ్రప్రదేశ్ ముఖ్యమంత్రి నారా చంద్రబాబు నాయుడు మరోసారి జాతీయ రాజధాని ఢిల్లీ పర్యటనకు సిద్ధమయ్యారు. ఈ నెల డిసెంబర్ 18, 19 తేదీల్లో ఈ పర్యటనకు షెడ్యూల్ ఫిక్స్ అయ్యింది. ఈ టూర్ లో ఏపీకి సంబంధించిన పెండింగ్ ప్రాజెక్టులు, కేంద్ర ఆర్థిక సహాయం, విభజన హామీల అమలు వంటి కీలక అంశాలపై ఆయన కేంద్ర మంత్రులతో చర్చించనున్నారు. దీంతో ఈ వ్యవహారం రాష్ట్ర వ్యాప్తంగానే కాకుండా దేశ వ్యాప్తంగా హాట్ టాపిక్ గా మారింది.

డిసెంబర్ 18న ఢిల్లీ చేరనున్న సీఎం..

కాగా డిసెంబర్ 18 సాయంత్రం 6 గంటలకు ముఖ్యమంత్రి విజయవాడ నుంచి ఢిల్లీకి బయలుదేరనున్నారు. అదే రాత్రి ఆయన కేంద్రంలోని పలువురు కీలక నాయకులు, ఉన్నతస్థాయి ఉన్నతాధికారులను వరుసగా కలిసే అవకాశాలు ఉన్నాయి. రాష్ట్ర అవసరాలు, అత్యవసర నిధుల విడుదలపై ఈ సమావేశాలు అత్యంత కీలకంగా భావిస్తున్నారు. ఈ పర్యటనలో ముఖ్యాంశంగా పోలవరం ప్రాజెక్టు నిలవబోతుంది. ప్రాజెక్టుకు కావలసిన నిధుల విడుదల, రీహాబిలిటేషన్ & రెసెట్టిల్‌మెంట్ (R&R) సమస్యలపై చర్చించనున్నారు.

ఈ అంశాలపై సీఎం కేంద్ర జలశక్తి మంత్రితో విశదీకరించనున్నారు. టీడీపీ కేంద్రంలో భాగస్వామ్యపక్షం కావడం వల్ల, ఈసారి చర్చలు మరింత ఫలప్రదంగా ఉండే అవకాశాలు ఉన్నాయని రాజకీయ వర్గాలు భావిస్తున్నాయి. రాజధాని అమరావతి నిర్మాణం కోసం భారీ స్థాయిలో మౌలిక సదుపాయాలు అవసరం. ఇంటిగ్రేటెడ్ అడ్మినిస్ట్రేటివ్ కాంప్లెక్స్, రోడ్లు, డ్రైనేజీలు, విద్యుత్ & నీటి సరఫరా వ్యవస్థలు, గవర్నమెంట్ కోర్ బిల్డింగులు వంటి ప్రాజెక్టులు నిలిచిపోయిన నేపథ్యంలో, వీటి కోసం కేంద్రం సహాయం కోరనున్నారు.

విభజన హామీల అమలుపై కీలక చర్చ..

అంతే కాకుండా 2014లో ఆంధ్రప్రదేశ్ రాష్ట్ర విభజన సమయంలో ఇచ్చిన పలు హామీలు ఇంకా పెండింగ్‌లోనే ఉన్నాయని రాష్ట్ర ప్రభుత్వం భావిస్తోంది. ముఖ్యంగా ప్రత్యేక ప్యాకేజీ, రాయలసీమలో రైల్వే జోన్ విస్తరణ, విశాఖలో స్టీల్ ప్లాంట్, పోర్టుల అభివృద్ధి వంటి విషయాలపై ఈసారి సీఎం ప్రత్యేక దృష్టి పెట్టనున్నారు. ఇక డిసెంబర్ 19 ఉదయం నుంచి సాయంత్రం 6 గంటల వరకు సీఎం చంద్రబాబు పార్లమెంట్ హౌస్‌లోని పలు కేంద్ర మంత్రులను ఒక్కొక్కరిని కలవనున్నారు.

ఇందులో ముఖ్యంగా రైల్వే, రోడ్లు & రవాణా, పెట్రోలియం, హోంశాఖ, ఫైనాన్స్ శాఖ మంత్రులతో ప్రాజెక్టుల పురోగతి, అడ్డంకులు, అనుమతుల జారీపై ప్రత్యేక చర్చలు జరగనున్నాయి. రాష్ట్రం ప్రస్తుతం ఎదుర్కొంటున్న ఆర్థిక ఒత్తిడి నేపథ్యంలో తక్షణ ఆర్థిక సహాయం, బకాయి నిల్వ నిధుల విడుదల, కేంద్రంలోని ప్రాజెక్ట్ అప్రైసల్ లోపాలను తొలగించడం వంటి అంశాలపై కూడా సీఎం ప్రస్తావించనున్నారు. టీడీపీ కేంద్రంలో కీలక భాగస్వామిగా ఉండటంతో, ఈ పర్యటనలో జరిగే చర్చలు మరింత ప్రాధాన్యతను సంతరించుకోనున్నాయి. రాష్ట్ర ప్రయోజనాలను సమర్థవంతంగా ముందుకు తీసుకెళ్లే అవకాశాలు బలంగా కనిపిస్తున్నాయి.

English summary

Andhra Pradesh Chief Minister Nara Chandrababu Naidu is set to visit the national capital Delhi once again. The schedule for this visit has been fixed for December 18 and 19 of this month.