'కూలీ' సినిమాకు ఏపీ ప్రభుత్వం ఫుల్ సపోర్టు.. 'వార్-2'కు నిరాశే..?
సూపర్స్టార్ రజనీకాంత్ అభిమానులకు శుభవార్త. రజనీకాంత్ నటిస్తున్న భారీ యాక్షన్ థ్రిల్లర్ 'కూలీ' కోసం ఆంధ్రప్రదేశ్ ప్రభుత్వం ప్రత్యేక అనుమతులు జారీ చేసింది. ఆగస్టు 14, 2025న విడుదల కానున్న ఈ సినిమాకు ఏపీలో టికెట్ ధరల పెంపుతో పాటు అదనపు షోలకు అనుమతి ఇచ్చింది. లోకేష్ కనగరాజ్ దర్శకత్వంలో, సన్ పిక్చర్స్ నిర్మించిన ఈ చిత్రంపై దేశవ్యాప్తంగా భారీ అంచనాలు నెలకొన్నాయి.
టికెట్ ధరల పెంపు:
ఆగస్టు 14 నుంచి 23 వరకు, పది రోజుల పాటు 'కూలీ' సినిమా టికెట్ ధరలను పెంచుకోవడానికి ఏపీ ప్రభుత్వం అనుమతి ఇచ్చింది. దీని ప్రకారం, సింగిల్ స్క్రీన్ థియేటర్లలో రూ.75, మల్టీప్లెక్స్లలో రూ.100 అదనంగా వసూలు చేయవచ్చు. ఈ ధరల పెంపు సినిమా ఓపెనింగ్ వసూళ్లను భారీగా పెంచే అవకాశం ఉంది.
అదనపు షోలు మరియు బెనిఫిట్ షోలు:
సినిమా విడుదల రోజు, అంటే ఆగస్టు 14న, ఉదయం 5 గంటల నుంచే బెనిఫిట్ షోలకు కూడా ప్రభుత్వం పచ్చజెండా ఊపింది. ఈ అదనపు షోలు రజనీకాంత్ అభిమానుల ఉత్సాహాన్ని రెట్టింపు చేసి, బాక్సాఫీస్ వద్ద రికార్డు కలెక్షన్లు సాధించడానికి దోహదపడతాయి.
రజనీకాంత్తో పాటు నాగార్జున, ఉపేంద్ర, శ్రుతి హాసన్ వంటి భారీ తారాగణం, అనిరుద్ రవిచందర్ సంగీతంతో 'కూలీ' బాక్సాఫీస్ను షేక్ చేయడానికి సిద్ధంగా ఉంది. ఈ చిత్రం తమిళ సినిమా చరిత్రలోనే అతిపెద్ద ఓపెనింగ్ కలెక్షన్లను నమోదు చేస్తుందని అంచనా. తెలుగు రాష్ట్రాల్లో టికెట్ బుకింగ్స్ ఇప్పటికే ప్రారంభం కావడంతో అభిమానులు భారీగా టికెట్లు బుక్ చేసుకుంటున్నారు.
ఎన్టీఆర్ వార్-2:
ఇక ఇదే సమయంలో ఎన్టీఆర్ నటించిన వార్-2 సినిమా కూడా అదే రోజున ప్రేక్షకుల ముందుకొస్తోంది. అయితే మంత్రి నారా లోకేష్ మాత్రం ఒక్క రజనీకాంత్ కూలీ సినిమాకు మాత్రమే బెస్ట్ విషెష్ చెప్పారు. దీంతో ఎన్టీఆర్ వార్-2 టికెట్ల రేట్ల పెంపు ఏపీలో లేనట్టే అన చర్చ సాగుతోంది.
Click it and Unblock the Notifications
Sign in with Google