డిజిపి దినేష్ రెడ్డిపై విచారణ దర్యాప్తు షురూ

హైదరాబాద్: రాష్ట్ర పోలీసు డైరెక్టర్ జనరల్ (డిజిపి) దినేష్ రెడ్డిపై కేంద్ర దర్యాప్తు సంస్థ (సిబిఐ) దర్యాప్తు ప్రారంభించింది. సుప్రీంకోర్టు ఆదేశాల మేరకు సిబిఐ ప్రాథమిక దర్యాప్తును ప్రారంభించింది. దినేష్ రెడ్డిపై వచ్చిన అవినీతి ఆరోపణలపై ప్రాథమిక విచారణ నివేదిక (ఎఫ్ఐఆర్)ని నమోదు చేసినట్లు సిబిఐ వర్గాలంటున్నట్లు బుధవారం వార్తలు వచ్చాయి.

ఆదాయానికి మించి ఆస్తులు కలిగి ఉన్నారనే ఆరోపణపై దినేష్ రెడ్డిపై విచారణకు సుప్రీంకోర్టు ఇటీవల ఆదేశించింది. ఐపియస్ అధికారి ఉమేష్ కుమార్ చేసిన ఫిర్యాదు మేరకు సుప్రీంకోర్టు దినేష్ రెడ్డిపై వచ్చిన ఆరోపణల మీద విచారణకు ఆదేశించింది.

1977 బ్యాచ్‌కు చెందిన దినేష్ రెడ్డి ఆదాయానికి మించి అక్రమంగా ఆస్తులు కూడబెట్టారని ఆరోపణలు వచ్చాయి. వీటిపై విచారణ చేపట్టి నాలుగు వారాల్లోగా నివేదికను సమర్పించాలని సుప్రీంకోర్టు సిబిఐని ఆదేశించిన విషయం తెలిసిందే.

English summary

CBI has begun probe on allegations aginst DGP Dinesh Reddy, following the Supreme Court order.