పవన్ కల్యాణ్ కు అనూహ్యమైన మద్దతు!

వచ్చే ఎన్నికల్లో ప్రభుత్వ వ్యతిరేక ఓటును చీలనివ్వనని, అందుకు అవసరమైతే తాను తగ్గుతానని, అందరినీ కలుపుకు వెళతానని పదే పదే ప్రకటిస్తున్నారు జనసేన అధినేత కొణిదెల పవన్ కల్యాణ్. తెలుగుదేశం పార్టీతో దాదాపుగా పొత్తు పెట్టుకొని వెళ్లడం ఖాయమని రాజకీయ వర్గాలు విశ్లేషిస్తున్న ప్రస్తుత తరుణంలో మరో రాజకీయ దిగ్గజం నుంచి పవన్ కు నైతిక మద్దతు లభించింది.

అత్యంత నిజాయితీ పరుడు

తాజాగా మీడియా సమావేశం ఏర్పాటుచేసి ప్రభుత్వంపై, ముఖ్యమంత్రి వైఎస్ జగన్ పై తీవ్రస్థాయిలో నిప్పులు కురిపించిన డీఎల్ రవీంద్రారెడ్డి పవన్ కల్యాణ్ ను అత్యంత నిజాయితీ పరుడిగా అభివర్ణించారు. ప్రజల కోసం ఏమైనా చేయాలనే తపన ఉందని, అది ప్రతిరోజు అతడి నుంచి వ్యక్తమవుతూనే ఉంటుందని కొనియాడారు. పవన్ కల్యాణ్ అడుగు బయట పెట్టిన మరు క్షణం నుంచే ఆయన రాజకీయ ప్రత్యర్థులు ప్యాకేజీ స్టార్ గా విమర్శలు గుప్పిస్తారు. తెలుగుదేశం నుంచి ప్యాకేజీ తీసుకొని వారికి అనుగుణంగా రాజకీయం చేస్తున్నారని వైసీపీ మంత్రులు పదే పదే విరుచుకుపడుతున్న సంగతి తెలిసిందే.

ప్యాకేజీలు తీసుకుంటే కనపడతాయిగా..

వాస్తవానికి అంత భారీ ప్యాకేజీలు తీసుకునే వ్యక్తి అయితే ఆస్తుల రూపంలో కానీ, ఏదైనా వ్యాపారంలో పెట్టుబడి కానీ పెట్టడం చేయాలని, కానీ తమ నేత ఇవన్నీ చేయడంలేదంటూ జనసేన సైనికులు స్పష్టం చేస్తున్నారు. ప్యాకేజీ స్టార్ గా పవన్ పై అవినీతి పరుడనే ముద్ర వేసి ప్రజల నుంచి దూరం చేయాలనుకోవడం వైసీపీ వల్ల కాదంటున్నారు. పవన్ కల్యాణ్ బయటకు రాబోతున్నారన్నంతనే ఆయన రాజకీయ ప్రత్యర్థులు ముఖ్యంగా వైసీపీ నేతలు పలువురు.. ఆయన్ను ప్యాకేజీ స్టార్ గా అభివర్ణించటం.. అవాకులు చవాకులు పేలటం చూస్తునే ఉంటాం.

ఎవరి నోటినుంచి రాని నైతిక మద్దతు డీఎల్ నుంచి

టీడీపీ అధినేత చంద్రబాబు వద్ద నుంచి భారీగా ప్యాకేజీ తీసుకొనట్లుగా అర్థం లేని ఆరోపణలు చేస్తుంటారు. నిజంగానే చంద్రబాబు దగ్గర అంత భారీగా ప్యాకేజీ తీసుకొని ఉంటే.. ఆ డబ్బుల్ని ఆస్తుల రూపంలోనో.. వ్యాపార రూపంలో ఎక్కడో ఒక చోట పెట్టుబడి పెడతారు కదా? ఒకవేళ అలాంటిదే జరిగి ఉంటే.. ఈ పాటికి బయటకు రాకుండా ఉండేదా? వాస్తవానికి మూడున్నర సంవత్సరాల కాలంలో కనీసం ఏ చిన్న మార్గంలో కూడా తమ నేతకు సాయం అందలేదని, కేవలం ప్యాకేజీ స్టార్ అనేది దుష్ప్రచారమేనని జనసైనికులు మండిపడ్డారు. ఏదేమైనప్పటికీ తెలుగుదేశం పార్టీ అధినేత చంద్రబాబు నుంచికానీ, బీజేపీ నేతల నుంచి కానీ, సొంత పార్టీ నేతల నుంచికానీ రాని ఒక నైతికమైన మద్దతు, ఒక సీనియర్ రాజకీయవేత్త, నిజాయితీపరుడైన నేత డీఎల్ రవీంద్రారెడ్డి నుంచి రావడం అరుదైన విషయంగానే చెప్పొచ్చంటున్నారు విశ్లేషకులు.

English summary

DL Ravindra Reddy, who organized a media conference and lashed out at the government and Chief Minister YS Jagan, described Pawan Kalyan as the most honest person.