చంద్రబాబుకు రూ. 50 కోట్ల విలువైన పురాతన విగ్రహం అందజేత

విజయవాడ: కృష్ణా జిల్లా చందర్లపాడు మండలంలోని గుడిమెట్ల అనే ఊరిలో పురాతన కాలం నాటి పంచలోహ లక్ష్మీదేవి విగ్రహం ఒకటి బయటపడింది. ఈనెల 12వ తేదీన రైతు భాస్కరరావు తన వ్యవసాయక్షేత్రంలో పొలం దున్నతుండగా ఈ పంచలోహ విగ్రహం బయట పడింది.

దీని విలువ మార్కెట్‌లో రూ.50 కోట్లు ఉంటుందని పురావస్తుశాఖ అంచనా వేసింది. శుక్రవారం అసెంబ్లీలోని సీఎం కార్యాలయంలో ఆయన్ని కలిసి ఈ విగ్రహాన్ని అందజేశారు. ఈ సందర్భంగా ముఖ్యమంత్రి చంద్రబాబు నాయుడు రైతు ఉదయభాస్కర్‌ను అభినందించారు.

ఈ పంచలోహ లక్ష్మీదేవి విగ్రహం బంగారు తాపడంతో ఉండటం విశేషం. ఈ విగ్రహం దొరికిన చోటే ఆలయం నిర్మిద్దామని అతనికి చంద్రబాబు చెప్పినట్లుగా తెలుస్తోంది. విగ్రహాం చంద్రబాబుకు అందజేసే సమయంలో రైతు వెంట అతని కుటుంబ సభ్యులు, విజయవాడ ఎమ్మెల్యే బొండా ఉమామహేశ్వరరావు తదితరులు ఉన్నారు.

English summary

Farmer handed over to ap cm Chandrababu idol worth Rs. 50 cr found in a land at krishna District.