ఏపీ పోలీస్ ట్రీట్మెంట్. నడి రోడ్డుపై 100 మంది రౌడీ షీటర్లు
ఆంధ్రప్రదేశ్ రాష్ట్రవ్యాప్తంగా శాంతిభద్రతల పరిరక్షణను మరింత పటిష్టం చేసేందుకు పోలీసులు కఠిన చర్యలకు శ్రీకారం చుట్టారు. రౌడీయిజం, చట్టవ్యతిరేక కార్యకలాపాలను పూర్తిగా అరికట్టాలనే లక్ష్యంతో జిల్లాల వారీగా రౌడీ షీటర్లు, నేరచరిత్ర కలిగిన వ్యక్తులపై ప్రత్యేక నిఘా, కౌన్సెలింగ్లు, హెచ్చరికలు అమలు చేస్తున్నారు. ఈ క్రమంలో గుంటూరు జిల్లాలో జిల్లా ఎస్పీ వకుల్ జిందాల్ ఐపీఎస్ ఆదేశాల మేరకు నిర్వహించిన 'పోలీస్ మార్క్ కౌన్సెలింగ్' కార్యక్రమం రాష్ట్రవ్యాప్తంగా చర్చనీయాంశంగా మారింది.
రౌడీ షీటర్లు, నేరచరిత్ర కలిగిన వ్యక్తుల్లో మార్పు తీసుకురావాలనే లక్ష్యంతో గుంటూరు జిల్లా పోలీసులు 'పోలీస్ మార్క్ కౌన్సెలింగ్' కార్యక్రమాన్ని అమలు చేశారు. జిల్లా ఎస్పీ శ్రీ వకుల్ జిందాల్ ఐపీఎస్ ఆదేశాల మేరకు ఈ కార్యక్రమం నిర్వహించగా, సాధారణ కౌన్సెలింగ్గా భావించి హాజరైన రౌడీ షీటర్లకు పోలీసులు కఠిన హెచ్చరికలతో కూడిన ప్రత్యేక కౌన్సెలింగ్ నిర్వహించారు.
కౌన్సెలింగ్ అనంతరం గుంటూరు నగరంలోని లక్ష్మీపురం ఎన్టీఆర్ స్టేడియం నుంచి మదర్ థెరిసా విగ్రహం వరకు రౌడీ షీటర్లతో పరేడ్ నిర్వహించారు. చెప్పులు లేకుండా నడిరోడ్డుపై నడిపిస్తూ చేసిన ఈ ప్రదర్శన రౌడీయిజంపై పోలీసుల ఉక్కుపాదానికి నిదర్శనంగా నిలిచింది. ప్రజా శాంతి భద్రతలకు భంగం కలిగించే చర్యలను ఎట్టి పరిస్థితుల్లోనూ సహించేది లేదని జిల్లా ఎస్పీ వకుల్ జిందాల్ హెచ్చరించారు. చట్టవ్యతిరేక కార్యకలాపాలకు పాల్పడితే ఎవరినీ ఉపేక్షించబోమని, చట్టానికి లోబడి నడుచుకోవాల్సిందేనని స్పష్టం చేశారు. ముఖ్యంగా మహిళలు, బాలికలపై అత్యాచారాలు, వేధింపులకు పాల్పడితే కఠిన చర్యలు తప్పవని తేల్చిచెప్పారు.
రాష్ట్రవ్యాప్తంగా ఇదే తరహా చర్యలు
గుంటూరు జిల్లాలో జరిగిన ఈ ఘటన ఒక్కటే కాదు. ఇటీవల ఆంధ్రప్రదేశ్లోని పలు జిల్లాల్లో కూడా పోలీసులు రౌడీ షీటర్లు, నేరచరిత్ర కలిగిన వ్యక్తులపై కఠిన చర్యలు చేపట్టారు. విజయవాడ, విశాఖపట్నం, నెల్లూరు, కర్నూలు, తూర్పు గోదావరి వంటి జిల్లాల్లో రౌడీ షీటర్లకు కౌన్సెలింగ్లు నిర్వహించడం, పోలీస్ స్టేషన్లకు పిలిపించి హెచ్చరికలు ఇవ్వడం, నేర ప్రవృత్తిని విడిచిపెట్టాలని స్పష్టం చేయడం వంటి చర్యలు తీసుకున్నారు.
కొన్ని జిల్లాల్లో నేరచరిత్ర కలిగిన వ్యక్తులతో పబ్లిక్ అవగాహన కార్యక్రమాలు, మరికొన్ని చోట్ల పరేడ్లు, బాండ్ రైటింగ్, అవసరమైన చోట పీడీ యాక్ట్ అమలు చేస్తామంటూ హెచ్చరికలు కూడా జారీ చేశారు. రాష్ట్రంలో శాంతిభద్రతల పరిరక్షణకు ప్రభుత్వం, పోలీస్ శాఖలు కఠినంగా వ్యవహరిస్తున్నాయనే సంకేతంగా ఈ చర్యలను విశ్లేషకులు అభివర్ణిస్తున్నారు.
ప్రత్యేక నిఘా - టెక్నాలజీ వినియోగం
జిల్లాలో రౌడీలు, కేడీలు, డీసీల కదలికలపై ప్రత్యేక నిఘా ఏర్పాటు చేసినట్లు పోలీసులు తెలిపారు. మారుమూల ప్రాంతాల్లో కూడా సీసీ కెమెరాల ఏర్పాటు, బీట్ విధానాన్ని పటిష్టంగా అమలు చేస్తున్నామని వెల్లడించారు. గతంలో నేరాలకు పాల్పడిన వ్యక్తులపై నిఘా మరింత పెంచామని, భవిష్యత్తులో చట్టవ్యతిరేక కార్యకలాపాలకు పాల్పడితే చట్ట ప్రకారం కఠిన చర్యలు తప్పవని హెచ్చరించారు.
కౌన్సెలింగ్ సమయంలో సంబంధిత వ్యక్తుల జీవన విధానం, జీవనోపాధి కోసం చేస్తున్న వృత్తులపై పోలీసులు ఆరా తీశారు. నేరాల నుంచి దూరంగా ఉండి సత్ప్రవర్తనతో జీవించాలనే ఉద్దేశంతోనే ఈ కౌన్సెలింగ్లు నిర్వహిస్తున్నామని తెలిపారు.
పోలీసుల విజ్ఞప్తి
ప్రస్తుతం డయల్ 112 వంటి హెల్ప్లైన్ సేవలు అందుబాటులో ఉన్నాయని, రౌడీయిజం లేదా శాంతిభద్రతలకు భంగం కలిగించే ఘటనలు జరిగితే నిమిషాల్లోనే పోలీసుల దృష్టికి వస్తాయని అధికారులు తెలిపారు. తమ ప్రాంతాల్లో ఏవైనా అల్లర్లు, గొడవలు, అనుమానాస్పద ఘటనలు జరిగిన వెంటనే డయల్ 112 లేదా సమీప పోలీస్ స్టేషన్కు సమాచారం అందించాలని ప్రజలను కోరారు.
-
పాతాళానికి బంగారం ధరలు- రంజాన్ పండగ వేళ -
తమిళనాడులో ఆ పార్టీదే అధికారం: విజయ్ రాకతో మారిన ఈక్వేషన్లు -
రేషన్ లబ్దిదారులకు కేంద్రం గుడ్ న్యూస్- మూడు నెలల కోటా ఒకేసారి పంపిణీ -
బంగారం ధరల అంచనాలు తలకిందులు -
మేషరాశి, సింహరాశి, వృశ్చిక రాశి, ధనుస్సు రాశులకు ఏప్రిల్ నెలలో రాజయోగం -
బంగాళాఖాతంపై ఆవర్తనం- ఏపీలోని ఈ జిల్లాల్లో భారీ వర్షాలు -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త! -
త్వరలో తిరుపతి, హైదరాబాద్కు నేరుగా రైళ్లు: ఆ జిల్లాకు కేంద్రమంత్రి తీపికబురు! -
రామ్ చరణ్ బర్త్ డేకు బిగ్ సర్ ప్రైజ్: `పెద్ది` నుంచి -
తిరుమలలో సీఎం చంద్రబాబుకు భక్తుల స్పెషల్ రిక్వెస్ట్, అక్కడే ఆదేశాలు..!! -
మహేష్ బాబు కాకుండా ఆ హీరో అంటే చాలా ఇష్టం - కృష్ణ -
ఇరాన్ కు ట్రంప్ డెడ్ లైన్- కౌంట్ డౌన్ బిగిన్స్
Click it and Unblock the Notifications
Sign in with Google