• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బలపడుతున్న కిరణ్, నేతల తాకిడి: చిరుపై గెల్చిన ఉషా

By Srinivas
|

Kiran announces launch of new party
హైదరాబాద్: మాజీ ముఖ్యమంత్రి కిరణ్ కుమార్ రెడ్డి కొత్త పార్టీ పేరు జై సమైక్యాంధ్రగా ఉండే అవకాశముంది. దీని పేరును ఖరారు చేసినట్లుగా తెలుస్తోంది. ఎన్నికల గుర్తుగా పాదరక్షలుగా ఖరారు చేసినట్లు తెలుస్తోంది. కొత్త పార్టీ విధివిధానాల పైన కిరణ్ సుదీర్ఘ కసరత్తు చేస్తున్నారు. కిరణ్‌కు క్రమంగా నేతల తాకిడి పెరుగుతోంది.

శనివారం కిరణ్‌తో మాజీ మంత్రులు శత్రుచర్ల విజయరామ రాజు, పితాని సత్యనారాయణ, మాజీ ఎంపి లగడపాటి రాజగోపాల్, సీనియర్ నేత తులసి రెడ్డి, ఆనం సోదరుడు జయకుమార్, కేంద్రమంత్రి పనబాక లక్ష్మీ భర్త పనబాక కృష్ణయ్య తదితరులు భేటీ అయ్యారు. 2009లో నాటి ప్రజారాజ్యం పార్టీ అధ్యక్షులు, ప్రస్తుత కేంద్ర పర్యాటక శాఖ మంత్రి చిరంజీవి పైన విజయం సాధించిన బంగారు ఉషారాణి మాజీ ముఖ్యమంత్రితో నడిచేందుకు సిద్ధమయ్యారు.

పార్టీ ఏర్పాటు విషయంలో ఇప్పటికే ఆలస్యమైనందున వెంటనే విధి విధానాలను, పేరును, గుర్తును ప్రకటించాలని కిరణ్ సన్నిహితులు కూడా ఒత్తిడి చేస్తున్నారు. 12వ తేదీన రాజమండ్రి సభలోనే పూర్తి వివరాలు ప్రకటించాలని భావిస్తున్నారు. ఇందుకోసం శనివారం కిరణ్ బిజీబిజీగా గడిపారు. సోమవారం నాటికి పార్టీకి సంబంధించి జెండా, అజెండాను సిద్ధం చేయాలని కిరణ్ నిర్ణయించారు.

కిరణ్‌తో విద్యార్థి ఐకాస నేతలు, మేధావులు, ఐటి నిపుణులు తదితరులు భేటీ అయ్యారు. ఎపిఐఐసి మాజీ చైర్మన్ శివ రామకృష్ణ కూడా కిరణ్‌తో సమావేశమయ్యారు. కిరణ్ స్థాపించే కొత్త పార్టీలో చేరేందుకు పలువురు నేతలు ఆసక్తిని ప్రదర్శిస్తున్నారు. రాష్ట్ర విభజన తర్వాత ఏఐసీసీ అధ్యక్షురాలు సోనియా గాంధీపై సీమాంధ్రలో ప్రజలు తీవ్ర అసంతృప్తి, ఆగ్రహంతో ఉండడంతో ఈ పార్టీ నేతలందరూ క్రమంగా కిరణ్ పార్టీలోకి చేరేందుకు సిద్ధమవుతున్నారు.

కాగా, రాజమండ్రిలో ఈ నెల 12న భారీ బహిరంగ సభను నిర్వహించేందుకు ఎంపీ హర్ష కుమార్ సన్నాహాలు చేస్తున్నారు. ఇందుకు ఎంపీ ఉండవల్లి అరుణ్‌కుమార్ సహాయ సహకరాలు అందిస్తున్నారు. దీనికి లగడపాటి కూడా తగు ఏర్పాట్లు చేస్తున్నారు. మొత్తానికి కిరణ్ పార్టీలోకి వలసలు క్రమంగా పెరుగుతున్నాయి.

English summary
Former Andhra Pradesh Chief Minister N. Kiran Kumar Reddy announced the formation of a new party here on Thursday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more