విద్యార్థినిపై ప్రొఫెసర్ లైంగిక దాడి: కేసు నమోదు

గుంటూరు: ఆచార్య నాగార్జున విశ్వ విద్యాలయం ఇంజనీరింగ్ కళాశాల మెకానికల్ విభాగ ఆచార్యుడిపై ద్వితీయ సంవత్సర విద్యార్థ్ధిని వర్శిటీ అధికారులకు, పోలీసులకు ఫిర్యాదు చేసింది. ప్రొఫెసర్ తనకు ఫోన్‌లో అసభ్య మెసేజ్‌లను పంపినట్లు ఫిర్యాదులో చెప్పింది. లైంగిక వేధింపులకు పాల్పడినట్లు చెప్పింది. లైంగిక వేదింపులకు పాల్పడిన ఆచార్యుడిపై చర్యలు తీసుకోవాలని, బాధిత విద్యార్థ్ధినికి న్యాయం చేయాలని కోరుతూ విద్యార్థులు మంగళవారం నిరసన చేపట్టారు. వీసీ చాంబర్, ఇంజనీరింగ్ కళాశాల ఎదుట ధర్నా నిర్వహించారు.

యూనివర్శిటి ఇంజనీరింగ్ కళాశాలలో విజయనగరం పట్టణానికి చెందిన ఓ విద్యార్థిని బిటెక్ మెకానికల్ ఇంజనీరింగ్ చదువుతోంది. ఈ విభాగంలో కాంట్రాక్టు పద్ధతిలో పనిచేస్తున్న అసిస్టెంట్ ప్రొఫెసర్ కృష్ణకిశోర్ ఈ నెల 15వ తేదీన విద్యార్థిని ఫోన్‌కు మెసేజ్ పెట్టాడు.

16వ తేదీన డిపార్టుమెంట్‌కు ఒక్కదానివే రావాలని, వ్యక్తిగతంగా మాట్లాడాలనేది ఆ సందేశం. తాను సహ విద్యార్థినిని తీసుకుని వెళ్లానని, ఆమెను అతను బయటకు పంపించి, తన పట్ల అసభ్యంగా ప్రవర్తించాడని ఆమె ఫిర్యాదు చేసింది.

కాగా, అసిస్టెంట్ ప్రొఫెసర్ కృష్ణ కిశోర్‌పై గుంటూరు జిల్లా పెదకాకాని పోలీసులు కేసు నమోదు చేసి విచారణ జరుపుతున్నారు.

English summary

A case has been booked for allegedly resorted to sexual assault on a lady student at Nagarjuna University in Guntur district.