తిరుమల, చెన్నై, బెంగళూరు ప్రయాణీకులకు కేంద్రం గుడ్ న్యూస్- కష్టాలకు చెక్, కొత్తగా..!!
కేంద్ర కీలక నిర్ణయం తీసుకుంది. తిరుమలకు వచ్చే భక్తులతో పాటుగా చెన్నై, బెంగళూరుకు వెళ్లే ప్రయాణీకులకు తీపి కబురు చెప్పింది. ఇప్పటి వరకు ఈ మార్గంలో ప్రయాణ సమయంలో తరచూ ఎదురవుతున్న సమస్యలకు చెక్ పడనుంది. ఈ మేరకు రైల్వే శాఖ తాజాగా గెజిట్ జారీ చేసింది. దీంతో.. ఇక ఈ మార్గంలో ప్రయాణం మరింత సులభతరం కానుంది. ప్రయాణీకులకు ప్రయోజనం కలగనుందని అధికారులు వెల్లడించారు.
తిరుమలతో సహా చెన్నై, బెంగళూరు వెళ్లే ప్రయాణీకుల కోసం కేంద్రం తీసుకున్న నిర్ణయం కార్య రూపం దాల్చుతోంది. ఈ మేరకు రైల్వే అధికారులు గెజిట్ జారీ చేసారు. తిరుపతికి వచ్చే భక్తుల తో పాటుగా ఈ జిల్లా మీదుగా రాకపోకలు సాగించే వారి కోసం కేంద్రం ఈ నిర్ణయం తీసుకుంది. గూడూరు- రేణిగుంట స్టేషన్ల మధ్య 83.17 కిలోమీటర్ల మేర నిర్మించ తలపెట్టిన మూడో రైల్వే లైన్ నిర్మాణానికి భూసేకరణ ప్రక్రియ తుది దశకు చేరింది. రైల్వే చట్టం 1989లోని సెక్షన్ 20 ఈ కింద భూసేకరణను ఖరారు చేస్తూ కేంద్ర ప్రభుత్వం తరఫున దక్షిణ తీర రైల్వే గెజిట్ నోటిఫికేషన్ ప్రచురించింది. దీనికి కేంద్రం ప్రత్యేక రైల్వే ప్రాజెక్టుగా పేర్కొంది. ఈ మార్గంలో నిత్యం పెద్ద సంఖ్యలో ప్రయాణీకులు రాకపోకలు సాగిస్తూ ఉంటారు. రవాణా రద్దీ ఎక్కువగా ఉంటుంది. దీంతో.. ఈ మార్గానికి ప్రాధాన్యత ఇస్తూ త్వరగా ప్రాజెక్టు పూర్తి చేయాలని భావిస్తోంది.
రైల్వే శాఖ తాజా నిర్ణయంతో
కాగా, ఇప్పటికే సెక్షన్ 20ఏ కింద భూసేకరణ ఉద్దేశాన్ని ప్రకటిస్తూ ఇచ్చిన నోటిఫికేషన్పై చట్టబద్ధమైన గడువు ముగిసేవరకు ఎలాంటి అభ్యంతరాలు రాలేదు. ఈమేరకు అధికార యంత్రాంగం నివేదిక ఇచ్చింది. దీని ఆధారంగా కేంద్ర ప్రభుత్వం ఈ కీలక నోటిఫికేషన్ను ఖరారు చేసింది. దీంతో భూసేకరణ అడ్డంకులు తొలగి పనులు మరింత వేగవంతం కానున్నాయి. కాగా, గూడూరు-రేణిగుంట మార్గం దక్షిణాదిన అత్యంత కీలకమైన, రద్దీతో ఉండే రైలు మార్గం. ఈ మూడో లైన్ అందుబాటులోకి వస్తే శ్రీవారి దర్శనానికి వచ్చే లక్షలాది మంది భక్తులతోపాటు, చెన్నై, విజయవాడ, బెంగళూరు మార్గాల్లో ప్రయాణించే వేలాది మందికి అధిక సమయం ఆదా అవుతుంది. రైళ్ల రాకపోకల వేగం పెరగడమే కాకుండా, ఈ ప్రాంతంలో సరుకు రవాణాకు అవకాశం ఏర్పడుతుందని రైల్వే అధికారులు చెబుతున్నారు.
Click it and Unblock the Notifications
Sign in with Google