కాచిగూడ–యశ్వంతపూర్ వందే భారత్ టైమింగ్స్ ఛేంజ్, కొత్త వేళలు ఇలా..!!

రైల్వే అధికారులు కీలక ప్రకటన చేసారు. కాచిగూడ-యశ్వంతపూర్ వందే భారత్ ఎక్స్‌ప్రెస్ సమయాల్లో మార్పులు చేసారు. ఈ మేరకు కొత్త వేళలను ప్రకటించారు. ఈ రైలు ప్రారంభం నుంచి ఆక్యుపెన్సీ పెరుగుతోంది. దీంతో.. ఈ రైలు కు కోచ్ ల సంఖ్య పెంచటంతో పాటుగా వేగం సైతం పెంచారు. అదే విధంగా రూట్ లో కొత్త హాల్టింగ్స్ పైన నిర్ణయం తీసుకున్నారు. కాగా.. ఇప్పుడు ఈ రైలు వేళల్లో తీసుకొచ్చిన మార్పులు ఈ నెల 15వ తేదీ నుంచి అమలు కానున్నాయి.

యశ్వంత్ పూర్ - కాచిగూడ వందేభారత్ రైలు ప్రారంభం నుంచి ఆదరణ పెరుగుతోంది. తెలుగు రాష్ట్రాల మీదుగా నడిచే వందేభారత్ రైళ్లకు పెరుగుతున్న డిమాండ్ మేరకు మరిన్ని సేవలను పెంచేందుకు రైల్వే అధికారులు కసరత్తు చేస్తున్నారు. కొత్తగా ప్రకటించనున్న వందేభారత్ స్లీపర్ ను సికింద్రాబాద్ - బెంగళూరు, విశాఖ - బెంగళూరు వయా తిరుపతి మీదుగా ప్రకటించే విధంగా కసరత్తు జరుగుతోంది. కాగా.. ప్రస్తుతం నడుస్తున్న యశ్వంత్ పూర్ - కాచిగూడ వందేభారత్ కు పెరుగుతున్న ప్రయాణీకుల సంఖ్యకు అనుగుణంగా కోచ్ ల పెంపుతో పాటుగా హాల్టింగ్ విషయం లోనూ రైల్వే అధికారులు సానుకూల నిర్ణయం తీసుకున్నారు. కాగా.. ఇప్పుడు సమయాల్లో మార్పులు చేసారు. కొత్త టైమింగ్స్ మార్చి 15 నుంచి అమల్లోకి రానున్నాయి. యశ్వంతపూర్ - కాచిగూడ వందే భారత్ ఎక్స్‌ప్రెస్ (ట్రైన్ నంబర్ 20704) హిందూపూర్ స్టేషన్‌కు మధ్యాహ్నం 3.55 గంటలకు చేరుకుని, 3.57 గంటలకు బయలుదేరుతుంది.

కొత్త వేళలను ప్రకటించిన రైల్వే

English summary

Railways announces Kacheguda–Yesvantpur Vande Bharat Express new timings, effect from 15th of this month