బాలికలతో బలవంతంగా వ్యభిచారం: విద్యార్థినిపై రేప్

ఏలూరు: పశ్చిమ గోదావరి జిల్లా ఓ బాలికల హాస్టల్లో దారుణం వెలుగు చూసింది. ఎనిమిదో తరగతి చదువుతున్న ముగ్గురు విద్యార్థినుల చేత వంట మనిషి బలవంతంగా వ్యభిచారం చేయిస్తున్న వైనం బయటపడినట్లుగా తెలుస్తోంది. ఈ ఘటన పైన పోలీసులకు, కలెక్టర్లకు ఫిర్యాదు చేశారు. పోలీసులు ఏడుగురు నిందితులను అరెస్టు చేశారు. వంటమనిషిని కూడా అదుపులోకి తీసుకున్నారు.

ఈ విషయం పైన ఫిర్యాదు అందగానే జిల్లా ఎస్పీ స్వయంగా దర్యాఫ్తు చేపట్టారు. వంటమనిషి హాస్టల్లోకి కొంతమంది యువకులను పిలిపించి బాలికలతో బలవంతంగా వ్యభిచారం చేయిస్తోంది. హాస్టల్‌కు వచ్చిన ఏడుగురు యువకులను అరెస్టు చేశారు.

బాలికపై అత్యాచారం?

జంగారెడ్డిగూడెం సబ్ డివిజన్ పరిధిలోని ఒక మండలంలో కొందరు బాలికల పైన అత్యాచారం జరిగినట్లుగా తమకు ఫిర్యాదులు అందాయని ఎస్పీ రఘురామ్ రెడ్డి తెలిపారు.

దీని పైన నిర్భయ చట్టం కింద సోమవారం కేసు నమోదు చేసినట్లు ఆయన తెలిపారు. ఏఎస్పీ చంద్రశేఖర్ నేతృత్వంలో డీఎస్పీ సుబ్బరాజు, డీటీసీ డీఎస్పీ లలితలను విచారణకు నియమించినట్లు తెలిపారు. దీనికి సంబంధించి ఆ ప్రదేశాన్ని పరిశీలించి కొందరు వ్యక్తులను అదుపులోకి తీసుకున్నట్లుగా తెలుస్తోంది.

English summary

Rape on school Girl in West Godavari of Andhra Pradesh?